Захарова дар бораи Маркази фарҳангии Россия дар Тоҷикистон нақл кард
ДУШАНБЕ, 19.01.2021 /АМИТ «Ховар»/. Сухангӯи Вазорати корҳои хориҷии Россия Мария Захарова дар брифинги охирин дар бораи ҳамкории фарҳангии Россия ва Тоҷикистон сухан гуфт, хабар додааст агентии Sputnik-и Россия 18 январ.
Дар брифинги ҳаррӯза намояндаи расмии Вазорати корҳои хориҷии Россия Мария Захарова ба мавзӯи ифтитоҳи маркази фарҳангию маърифатии Россия дар Тоҷикистон дахл кард.
Вай зикр кард, ки лоиҳа бо ташаббуси созмони ҷамъиятии ҳамватанони Россия бо дастгирии сафорати Россия ва мақомоти маҳаллӣ татбиқ шудааст.
Намояндаи Вазорати корҳои хориҷии Федератсияи Россия ба ширкати тоҷикии ТАЛКО барои расонидани кумак, яъне, ба таври ройгон додани бино барои марказ изҳори миннатдорӣ намуд.
Мария Захарова инчунин ба ҳамаи касоне, ки дар таъсиси ин марказ саҳм гирифтаанд, изҳори миннатдорӣ кард.
Намояндаи ВКХ Россия илова намуд, ки марказ бо тамоми таҷҳизоти зарурӣ барои таҳсил муҷаҳҳаз шудааст ва дар оянда дар он ҷо барои довталабоне, ки барои дохил шудан ба донишгоҳҳои Россия омодагӣ мегиранд, гузаронидани дарсҳо дар назар аст.
Ёдовар мешавем, ки нахустин маркази фарҳангӣ ва маърифатии Россия дар Тоҷикистон — «Созидание» 10 январ дар Турсунзода ифтитоҳ шуд. Лоиҳаро созмони ҷамъиятии «Русская община» бо дастгирии Сафорати Россия дар Тоҷикистон, Пойгоҳи ҳарбии 201-уми Россия дар Ҷумҳурии Тоҷикистон, епархияҳои калисои православии русӣ ва тоҷикистонӣ, намояндагии Россотрудничество, Корхонаи воҳиди давлатии «Ширкати Алюминийи Тоҷик» ва маъмурияти шаҳри Турсунзода ташкил намудаанд. Илова бар ин, дар татбиқи лоиҳа соҳибкорони маҳаллӣ ва фаъолони ҷамъиятӣ ширкат варзиданд.
Марказ дар кори баланд бардоштани сатҳи дониши насли наврас, ҷамъияти русҳои шаҳр ва инчунин аҳолии шаҳри Турсунзода кумак хоҳад кард. Дар он забони русиро меомӯзанд, барои довталабоне, ки мехоҳанд ба донишгоҳҳои Россия дохил шаванд, машваратҳо гузаронида хоҳанд шуд. Дар ояндаи наздик ифтитоҳи маркази таълимию методии забон ва адабиёти рус, студияҳои мусиқӣ, рассомӣ ва маҳфили математикӣ ба нақша гирифта шудааст.
АКСҲО аз ВКХ ФР ва Sputnik
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
Сафири Тоҷикистон бо вазири Девони амирии Давлати Кувайт шайх Ҳамад Ҷобир Ал-Алӣ Ас-Сабоҳ мулоқот намуд
Масоили муҳими ҳамкории дуҷонибаи Тоҷикистон ва Қатар дар соҳаҳои ҳифзи муҳити зист баррасӣ гардид
Дар Риёз масоили ҳамкории байнипарлумонии Тоҷикистону Арабистони Саудӣ баррасӣ гардид
Сироҷиддин Муҳриддин ва Лю Бин маҷмуи васеи масоили равобити дуҷонибаи Тоҷикистон ва Чинро баррасӣ карданд
