БМТ: Паёми Пешвои миллат дар соли ҷашнӣ ба сифати раҳнамои мардуми Тоҷикистон хидмат мекунад

Февраль 19, 2021 14:22

ДУШАНБЕ, 19.02.2021 /АМИТ «Ховар»/. Бо мақсади иҷрои саривақтӣ ва ҳамаҷонибаи дастуру супоришҳои Пешвои миллат Бонки миллии Тоҷикистон Нақшаи чорабиниҳоро оид ба  иҷрои вазифаҳое, ки дар Паёми Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» мавриди таваҷҷуҳи махсус қарор гирифтанд, таҳия намуд. Ин нуктаро Раиси Бонки миллии Тоҷикистон Ҳоким Холиқзода дар ҷаласае, ки дар Бонки миллии Тоҷикистон бо иштироки роҳбарият, сардорони воҳидҳои сохторӣ ва кормандон ҷиҳати омӯзиши Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Парлумони мамлакат доир гардид, зикр намуд.

Гуфта шуд, ки Паёми Пешвои миллат ба Маҷлиси Олии Ҷумҳурии Тоҷикистон дар соли 2021 – соли таҷлили 30-солагии Истиқлоли давлатии Ҷумҳурии Тоҷикистон ба сифати раҳнамои мардуми Тоҷикистон хидмат хоҳад кард.

Ҳоким Холиқзода гуфт, ки  дар Паём дар баробари бахшҳои муҳими кишвар, низоми бонкӣ  мавриди таҳлили амиқ қарор дода шуда, дар радифи дастовардҳои соҳа ҳарчи зудтар ҳаллу фасл кардани як қатор масъалаҳо  таъкид гардид. Аз ҷумла, зиёд кардани ҳаҷми қарздиҳӣ ба соҳаҳои иқтисоди миллӣ, низоми фаъоли идоракунии корпоративӣ, кам кардани хавфҳои амалиётӣ ва қарзӣ, коҳиш додани қарзҳои ғайрифаъол, афзоиши ҷалби сармоя ба низоми бонкӣ ва таъсиси намояндагии бонкҳои хориҷӣ ҷиҳати пайдо намудани манбаъҳои иловагӣ барои ҷалби  сармоягузории дохилӣ ва хориҷӣ, беҳтар намудани маблағгузорӣ ба соҳаҳои истеҳсолӣ аз масъалаҳое буданд, ки Президенти мамлакат ба онҳо таваҷҷуҳи махсус зоҳир намуданд.

Раиси Бонки миллии Тоҷикистон Ҳоким Холиқзода зимни муаррифии Нақшаи чорабиниҳои БМТ гуфт, ки Нақша аз 14 банд иборат буда, дар он иҷрои тамоми дастуру супоришҳои Пешвои миллат ба назар гирифта шудааст. Аз ҷумла, бартараф намудани камбудиҳо дар самти ҳаҷми қарздиҳӣ ба соҳаҳои иқтисоди миллӣ, идоракунии корпоративӣ, хавфҳои амалиётӣ ва қарзӣ, қарзҳои ғайрифаъол, ҷалби сармоя ба низоми бонкӣ ва таъсиси намояндагии бонкҳои хориҷӣ, ба талабот мутобиқ кардани санадҳои меъёрии ҳуқуқии дахлдор, таъмин намудани раванди идоракунии корпоративӣ дар ташкилотҳои қарзии молиявӣ ва тадриҷан афзоиш додани сармояи оинномавии бонкҳо, зиёд кардани пешниҳоди қарзҳои дарозмуддат ба соҳибкорони истеҳсолӣ ва фаъол намудани низоми рейтинги миллӣ барои ташкилоти қарзӣ ва ширкатҳои суғуртавӣ, бо роҳандозии технологияҳои молиявию инноватсионӣ васеъ намудани хизматрасониҳои бонкӣ ва дар ин замина, пурра ҷорӣ кардани амалиёти ғайринақдӣ, аз ҷумла аз байн бурдани омилҳои инсонӣ ҳангоми ҳисоббаробаркуниҳои пулӣ бо аҳолӣ.

Нақшаи омоданамудаи БМТ таҳия ва ба Ҳукумати мамлакат пешниҳод намудани лоиҳаи санадҳои меъёрии ҳуқуқӣ оид ба гузаронидани авф вобаста ба қонунигардонии маблағҳо ва дигар дороиҳои шаҳрвандон, пешниҳод намудани маълумоти зарурӣ оид ба таҳияи лоиҳаи Кодекси андоз дар таҳрири нав бо дарназардошти хусусияти самти фаъолияти низоми бонкӣ, ҷудо намудани қарзу грантҳо ба занон ва оилаҳо, дастгирии ташаббусҳои бонувон ва ҷалби бештари онҳо ба вазифаҳои роҳбарикунанда ва дигар масъалаҳои муҳими дар Паём зикргардидаро фаро гирифтааст.

Февраль 19, 2021 14:22

Хабарҳои дигари ин бахш

ҚУРБИ АСЪОР: дар муассиcаҳои ташкилоти қарзии Тоҷикистон 1 доллари ИМА аз 11.2980 то 11.3000 сомонӣ муқаррар шудааст
ҚУРБИ АСЪОР: 1 евро аз 13.9345 то 13.0500 сомонӣ муқаррар шудааст
ҚУРБИ АСЪОР: дар муассиcаҳои ташкилоти қарзии Тоҷикистон 1 евро аз 12.9534 то 13.0500 сомонӣ муқаррар шудааст
ҚУРБИ АСЪОР: 1 доллари ИМА аз 11.2965 то 11.3300 сомонӣ муқаррар шудааст
ҚУРБИ АСЪОР: 1 рубли русӣ — 0.1588 муқаррар шудааст
ҚУРБИ АСЪОР: 1 доллари ИМА аз 11.2844 то 11.2900 сомонӣ муқаррар шудааст
Ҳоким Холиқзода: Конститутсия дар Тоҷикистон заминаи татбиқи ислоҳоти куллиро фароҳам овард
Форуми дуюми байналмилалии молиявию бонкии кишварҳои ИДМ охири моҳи ноябр дар Тошканд доир мегардад
ҚУРБИ АСЪОР: 1 рубли русӣ аз 0.1571 то 0.1590 сомонӣ муқаррар шудааст
ҚУРБИ АСЪОР: дар муассиcаҳои ташкилоти қарзии Тоҷикистон 1 доллари ИМА аз 11.2760 то 11.2800 сомонӣ муқаррар шудааст
ҚУРБИ АСЪОР: дар муассиcаҳои ташкилоти қарзии Тоҷикистон 1 рубли русӣ аз 0.1566 то 0.1585 сомонӣ муқаррар шудааст
Роҳбарони бонкҳои кишварҳои Осиёи Марказӣ дар Тошканд дастрасии молиявӣ ва маблағгузории сабзро баррасӣ карданд