Дар Дастгоҳи Маҷлиси миллӣ ҷиҳати шарҳу тавзеҳи Паёми Президенти мамлакат ба Маҷлиси Олӣ ҳамоиш доир шуд

Февраль 6, 2021 11:42

ДУШАНБЕ, 06.02.2021. /АМИТ “Ховар”/. Дар Дастгоҳи Маҷлиси миллии Маҷлиси Олии Ҷумҳурии Тоҷикистон 5 феврал бо иштироки роҳбарият ва кормандони Дастгоҳи Маҷлиси миллӣ ҷиҳати шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 26 январи соли 2021 ҳамоиш баргузор гардид.

Тавре ба АМИТ “Ховар” аз Маҷлиси миллӣ хабар доданд, дар ҳамоиш нақш ва мазмуну муҳтавои Паёми Президенти Ҷумҳурии Тоҷикистон ҳамчун санади роҳнамо ва муҳиму сарнавиштсоз аз ҷониби роҳбарияти Дастгоҳи Маҷлиси миллӣ ба таври мушаххас шарҳ дода шуд.

“Аз ҷумла, бо ишора ба Паёми Президенти мамлакат таъкид гардид, ки новобаста аз паҳн шудани бемории сироятии коронавирус ва буҳрони шадиди иқтисодию молиявии ҷаҳонӣ дар натиҷаи тадбирҳои андешидаи давлату Ҳукумати Ҷумҳурии Тоҷикистон иқтисодиёти кишвар соли 2020-ум 4,5 фоиз афзоиш ёфта, ҳаҷми маҷмӯи маҳсулоти дохилӣ ба 82,5 миллиард сомонӣ баробар гардид. Дар умум, ҷиҳати ноил гардидан ба ҳадафҳои стратегии миллиамон чорабиниҳои судманд амалӣ гардида, натиҷаҳои назаррас ба даст оварда шудаанд”, — илова намуд манбаъ.

Дар қатори дигар иқдому ташаббусҳои созандаашон Пешвои муаззами миллат бо мақсади дастгирии иҷтимоии ятимон, нафақахӯрону маъюбон, кишоварзон ва дар умум беҳтар намудани сатҳу сифати зиндагии аҳолии кишвар дастур доданд, ки аз 1 сентябри соли 2021 нафақаи кӯдакони маъюб ба андозаи 20 фоиз ва нафақаи маъюбони гурӯҳи якум 50 фоиз баланд бардошта шуда, дар вилоятҳои Хатлону Суғд ва шаҳри Душанбе барои ятимони кулл се мактаб – интернати Президентӣ бунёд карда шавад. Инчунин тамоми кишоварзони мамлакат барои як сол, яъне соли 2021 аз пардохти андози ягонаи замин озод карда мешаванд. Ин имтиёзу дастгириҳои навбатии Сарвари давлат сабаби хушҳолӣ ва рӯҳбаландии тамоми сокинони мамлакат гардид.

Зимнан, дар ҳамоиш кормандони Дастгоҳи Маҷлиси миллӣ муваззаф гардиданд, ки ҷиҳати татбиқи дастуру ҳидоятҳои Президенти кишвар, ки аз Паёмашон ба мақоми олии намояндагӣ ва қонунгузори мамлакат бармеоянд, тадбирҳои зарурӣ андешида, дар рушду пешрафти Ватани маҳбубамон саҳм гузоранд.

Февраль 6, 2021 11:42

Хабарҳои дигари ин бахш

Истиқлолияти давлатӣ ва рушди парламентаризми миллӣ
Файзалӣ Идизода дар ноҳияи Сангвор бо интихобкунандагон вохӯрӣ намуд
Файзалӣ Идизода дар ноҳияи Лахш бо интихобкунандагон вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Парламенти Ҷумҳурии Қазоқистон Ерлан Кошанов мулоқот намуданд
Рустами Эмомалӣ дар шаҳри Остона бо фаъолияти технопарки байналмилалии Астана Хаб шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Ҷумҳурии Қазоқистон Қосим-Жомарт Токаев мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Сенати Парламенти Ҷумҳурии Қазоқистон Маулен Ашимбаев мулоқот намуданд
Рустами Эмомалӣ дар пояи маҷмааи «Муҳофизони Ватан»дар Остона гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар Қазоқистон оғоз шуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Қазоқистон сафар намуданд
Ҳамкории Маҷлиси намояндагон бо Шурои қонунгузории Давлати Фаластин густариш меёбад
Шунавандагони мактаби САҲА оид ба дипломатия бо бинои нави Парлумони Тоҷикистон шинос шуданд