Дар Урузгон бар асари таркиш чаҳор низомии афғон кушта ва се тани дигар маҷрӯҳ шуданд

ДУШАНБЕ, 04.02.2021 /АМИТ «Ховар»/ Мақомоти маҳаллӣ дар вилояти Урузгони Афғонистон мегӯянд, ки бар асари таркиши автомашинаи бомбагузоришуда дар маркази ин вилоят 4 низомии афғон кушта ва  се нафари дигар захмӣ шуданд, хабар медиҳад АМИТ «Ховар» бо истинод ба сомонаи “Садои Амрико” дар Афғонистон www.darivoa.com.

 Волии вилоят Муҳаммад Умар Шерзод рӯзи чаҳоршанбе (4 феврал) ба “Садои Амрико” гуфт, ки як маргталаб бо истифода аз автомашинаи пур аз маводи тарканда пойгоҳи муштараки низомиёни афғонро дар минтақаи Чинорак ҳадафи ҳамлаи худ қарор додааст.

Ҷаноби Ширзод афзуд, ки пас аз таркиш неруҳои иловагӣ ба ҷойи ҳодиса фиристода шуданд ва нагузоштанд, ки пойгоҳ суқут кунад.

Дар ҳамин ҳол, як мақоми амниятӣ дар Урузгон, ки аз бурдани номаш худдорӣ кард, ба “Садои Амрико” гуфт, ки дар натиҷаи таркиш ҳафт хизматчии низомӣ кушта ва панҷ тани дигар маҷрӯҳ шуданд.

Мақомоти маҳаллӣ дар ин вилоят “Толибон” -ро (мамнуъ дар Тоҷикистон) дар ин инфиҷор масъул медонанд, аммо ин гурӯҳ ҳанӯз изҳори назар накардааст.