Маҳмадсаид Зувайдзода: «Таҳияи нақшаҳои генералии 64 шаҳру ноҳияҳои Тоҷикистон пурра ба анҷом расидааст»

Февраль 5, 2021 11:55

ДУШАНБЕ, 05.02.2021 /АМИТ «Ховар»/. Таҳияи нақшаҳои генералии 64 шаҳру ноҳияҳои Тоҷикистон пурра  ба анҷом расонида шуда, бо Қарори Ҳукумати Ҷумҳурии Тоҷикистон тасдиқ гардида, мавриди амал  қарор доранд. Ин нуктаро Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Маҳмадсаид Зувайдзода имрӯз дар ҷамъи хабарнигорон зимни нишасти матбуотӣ дар Душанбе баён дошт. Зикр шуд, ки ҳамзамон таҳияи лоиҳаи Нақшаи  генералии ноҳияи Данғара  ба итмом расида, дар мувофиқасозӣ қарор дорад.

Маҳмадсаид Зувайдзода зикр намуд, ки дар соли сипаригардида  дар асоси нақшаи корӣ  мутахассисони Кумитаи меъморӣ ва сохмони назди Ҳукумати  Ҷумҳурии Тоҷикистон  ҷиҳати ба роҳ мондани назорати  ҳолати риоя ва татбиқи   амалӣ намудани нақшаҳои  генералӣ ба шаҳру ноҳияҳои Ҳисор, Шаҳринав, Ваҳдат, Рӯдакӣ, Файзобод, Нуробод, Сангвор,  Лахш, Данғара, Ёвон, Темурмалик,  Балҷувон, Шамсиддини Шоҳин,  Ховалинг, Фархор, Кӯлоб, Қубодиён, Шаҳритус, Носири Хусрав, А Ҷомӣ,  Леваканд, Бохтар, Ҷайҳун, Хоруғ, Шуғнон, Рӯшон, Мурғоб, Айнӣ, Шаҳристон, Деваштич, Панҷакент, Истаравшан, Зарафобод, Бобоҷон  Ғафуров, Ашт ва Конибодом сафарбар гардиданд.  Мутахассисони Кумита ҳолати воқеиро  дар маҳал мавриди омӯзиш  ва санҷиш қарор дода, аз натиҷаи  санҷиш барои ислоҳи  камбудиҳо ба мақомоти шаҳру ноҳияҳои ба санҷиш фаро гирифташуда мактуби расмӣ фиристониданд. Дар иртибот ба  натиҷаи  ислоҳи камбудиҳои ҷойдошта  аз сӯи мақомоти марбута ба Кумитаи меъморӣ ва сохтмони назди Ҳукумати мамлакат маълумот ироа гардид.

Бо дахли баланд бардоштани сифати лоиҳаҳо ва санъати меъморӣ Маҳмадсаид Зувайдзода изҳор дошт, ки дар ин самт Комиссияи байниидоравӣ оид ба баррасии пешакии лоиҳаи биноҳои маъмурӣ, ҷамъиятӣ ва истиқоматӣ таъсис дода шуда, барои дуруст ба роҳ мондани ҷойгиршавии биноҳо ва ба талаботи имрӯза ҷавобгӯ будани тарҳ ва намои биноҳо хулосабарорӣ намуда, ба лоиҳакашон тавсияҳои зарурӣ медиҳад. Дар ин давра 41 ҷаласаи Комиссия баргузор гардида, дар маҷмӯъ 371 лоиҳаҳои ангоравӣ ва корӣ мавриди баррасӣ қарор дода шуда, нисбат ба ҳар лоиҳа таклифу пешниҳодҳо ирсол гардиданд. Аз 371 лоиҳаи баррасигардида 267-тои он бо таклифу пешниҳодҳои зарурӣ ва бо инобати он дар лоиҳаҳои корӣ қобили қабул ҳисобида шуда, барои пешниҳод ба Раёсати экспертиза тавсия дода шуд.

104 лоиҳаи дигар бо назардошти ба талабот ҷавобгӯ набудани сифати ҳуҷҷатҳои пешниҳодгардида, тарҳ ва намои бинову иншоот ва зарурати пешниҳоди иловагӣ барои такмил ва тасҳеҳи минбаъда баргардонида шуданд.

Февраль 5, 2021 11:55

Хабарҳои дигари ин бахш

«Сомон Эйр» дар парвози аввалини мунтазам 184 мусофирро ба пойтахти Россия расонид
ВКД Федератсияи Россия қонуне таҳия мекунад, ки ба муҳоҷирон имкон медиҳад буду боши худро дар Россия қонунӣ гардонанд
Агентии авиатсияи гражданӣ ширкатҳои ҳавопаймоии «СомонЭйр» ва «UTair»-ро ҳушдор дод, ки нархи чиптаро беасос боло набаранд
Дар Конибодом ва Мастчоҳ хонандагон соҳиби ҳуҷҷати асосии тасдиқкунандаи шахсият – шиноснома гардиданд
Дар Ҷамоати деҳоти Ворух курсҳои кӯтоҳмуддати омӯзишии ройгон барои бонувон ба роҳ монда шуданд
Кумитаи ҳолатҳои фавқулода ва мудофиаи гражданӣ аз ҳавои номусоиди рӯзҳои оянда ҳушдор медиҳад
Имрӯз — Рӯзи умумиҷаҳонии паҳннамоии иттилоот оид ба аутизм. Кӯдакони гирифтори ин беморӣ муҳтоҷи дастгирии махсусанд
Бахшида ба «100 рӯзи муқовимат ба савдои одамон» дар Хуҷанд ҳамоиш доир шуд
Бориши шадид сабаби ҳолати фавқулода дар ҷануби Тоҷикистон шуда, 250 сокини маҳаллӣ ба ҷойҳои бехатар кӯчонида шуданд
Наврӯз Ҷаъфаров: Омили пайдоиши вируси фалаҷи кӯдакона сари вақт ваксинатсия нашудани тифлон аст
ТАВАҶҶУҲ! Бар асари бориши зиёд дар роҳҳои кӯҳии Тоҷикистон эҳтимоли лағзиши тарма ва резиши сангу рег зиёд аст
НАМУНА БАРОИ ИБРАТ. Соҳибкори нафақахӯр барои хонандагони Ҳисор синфхонаҳои омӯзиши забонҳои хориҷӣ бунёд намуд

Маводҳои таҳлилӣ