Маъюбон ҳам ба хизмати давлатӣ роҳ меёбанд , — бардошт аз нишасти матбуотии Академияи идоракунии давлатӣ

Февраль 18, 2021 15:13

ДУШАНБЕ, 18.02.2021 /АМИТ «Ховар»/. Академияи идоракунии давлатии  назди Президенти Ҷумҳурии Тоҷикистон дар доираи татбиқи лоиҳаи «Рушди хизматрасонӣ ба ашхоси имконияташон маҳдуд» ҷиҳати ба таҳсил фаро гирифтани шахсони маъюб тадбирҳои зарурӣ меандешад. Аз ҷумла, Академия тавассути ҳамкорӣ бо  ҷамъияти маъюбон чунин ашхосро барои идомаи таҳсил дар зинаи магистратура ҷалб  намуда истодааст. Айни замон дар Академия 24 нафар шахсони маъюбу ятим ба таҳсил фаро гирифта шуда, қариб ҳамаашон дар ин ҷо ним баст фаъолият  мекунанд.

Дар ин бора Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода зимни нишасти матбуотии ин ниҳод, ки 16 феврал баргузор гардид, хабар дод.

«Барои татбиқи лоиҳаи «Рушди хизматрасонӣ ба ашхоси имконияташон маҳдуд» Люксембург 21 ҳазор евро ҷудо намудааст, ки дар доираи он бо шахсони имконияташон маҳдуд вохӯриҳо гузаронда шуданд. Ба  мақсади ба хизмати давлатӣ роҳ ёфтани  ин қишри фаъоли ҷомеа, Академия бо ҷамъияти маъюбон ҳамкории зич ба роҳ мондааст. Аз ҷумла, ҷамъияти маъюбони шаҳри Ваҳдатро, ки беш аз 60 нобино дорад, бо техника таъмин намуд»,- афзуд  Абдухалил Ғафурзода.

Ёдовар мешавем, ки азнавтайёркунӣ, такмили ихтисос ва таҷрибаомӯзии хизматчиёни давлатӣ яке аз самти асосии фаъолияти Академия мебошад.

Дар нишасти матбуотӣ зикр шуд, ки соли 2020 дар Донишкадаи такмили ихтисос ва бозомӯзии хизматчиёни давлатии Академияи идоракунии давлатӣ 26 курс баргузор гардид, аз ҷумла, 3 курси азнавтайёркунӣ, 15 курси такмили ихтисос дар заминаи Академия, 11 курси сайёри такмили ихтисос. Дар курсҳои мазкур 1318 нафар иштирок намуданд.

Февраль 18, 2021 15:13

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд