ҶОМИ ФФТ-2021: Имрӯз «Равшан» бо «Мастчоҳ» ва КМВА бо «Истиқлол» байни ҳам бозӣ мекунанд
ДУШАНБЕ, 11.02.2021 /АМИТ «Ховар»/. Имрӯз, 11 феврал, дар шаҳрҳои Душанбе ва Ҳисор бозиҳои марҳилаи ниҳоии Ҷоми Федератсияи футболи Тоҷикистон-2021 оғоз мешаванд. Имсол мусобиқаи мазкур ҷашнӣ буда, бори 10-ум баргузор мегардад. Дар марҳилаи ниҳоии Ҷоми ФФТ-2021, ки аз 11 то 20 феврал баргузор мешавад, ҳафт дастаи беҳтарини марҳилаи минтақавии мусобиқа иштирок доранд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар гурӯҳи «А» дастаҳои КМВА-и Душанбе, «Равшан»-и шаҳри Кӯлоб, «Мастчоҳ»-и ноҳияи Мастчоҳ, «Истиқлол»-и шаҳри Душанбе ва дар гурӯҳи «Б» дастаҳои футболи «Барқчӣ»-и шаҳри Ҳисор, «Хатлон»-и шаҳри Бохтар ва «Регар-ТадАЗ»-и шаҳри Турсунзода байни ҳам рақобат менамоянд.
Тибқи низомномаи баргузории Ҷоми ФФТ-2021, аз ҳар гурӯҳ ду дастагӣ ба бозиҳои нимниҳоӣ роҳ меёбанд. Бозии ниҳоии мусобиқа 20 феврал дар Варзишгоҳи марказии ҷумҳуриявии шаҳри Душанбе барпо мегардад. Дар даври якуми марҳилаи ниҳоии Ҷоми ФФТ-2021, ки 11 феврал шурӯъ мешавад, дар Варзишгоҳи марказии ҷумҳуриявӣ ду бозии гурӯҳи «А» байни дастаҳои КМВА бо «Истиқлол» ва «Равшан» бо «Мастчоҳ» баргузор мешаванд.
Бозии дастаҳои гурӯҳи «Б» миёни дастаҳои футболи «Барқчӣ» ва «Хатлон» дар Варзишгоҳи марказии шаҳри Ҳисор доир хоҳад шуд.
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
