«Регар-ТадАЗ» сеюмин финалисти Ҷоми Федератсия-2021 шуд

ДУШАНБЕ, 02.02.2021 /АМИТ «Ховар»/. Пас аз «Истиқлол»-и Душанбе ва «Барқчӣ»-и Ҳисор «Регар-ТадАЗ»-и Турсунзода ба қисми ниҳоии Ҷоми Федератсияи футболи Тоҷикистон роҳ ёфт. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

1 феврал дар минтақаи Душанбе бозиҳои даври чоруми марҳилаи пешакии Ҷоми ФФТ-2021 баргузор шуданд. Дар гурӯҳи «А»  «Регар-ТадАЗ»-и шаҳри Турсунзода пирӯзии сеюмро пай дар пай ба даст овард ва ба қисми ниҳоии мусобиқа пеш аз муҳлат роҳ ёфт. Дар ин давр «регариён» бар дастаи Кӯктоши ноҳияи Рӯдакӣ бо ҳисоби 3:2 пирӯз шуданд. Дар бозии дигари гурӯҳ дастаи «КМВА» дастаи Локомотив-Помирро бо ҳисоби 6: 3 мағлуб кард.

Финалисти охирин- чоруми марҳилаи пешакии Ҷоми ФФТ дар минтақаи Душанбе рӯзи панҷшанбе, 4 феврал муайян хоҳад шуд.

Ҷоми Федератсияи футболи Тоҷикистон-2021

Марҳилаи пешакӣ. Минтақаи Душанбе

Гурӯҳи «А». Даври 4-ум

Локомотив-Помир — КМВА — 3: 6

«Регар-ТадАЗ» — «Кӯктош» — 3: 2

Даври 5

4 феврал (панҷшанбе)

10:30 — ЦСКА — Регар-ТадАЗ. Душанбе, Варзишгоҳи марказӣ

14:00 — «Шоҳмансур» — «Локомотив-Помир». Душанбе, Варзишгоҳи марказӣ

АКС аз ФФТ