Сокинони Ванҷ нуктаҳои Паёми Пешвои миллатро сармашқи фаъолияташон қарор додаанд

ДУШАНБЕ, 21.02.2021 /АМИТ «Ховар»/. Дар мақомоти иҷроияи ҳокимияти давлатии ноҳияи Ванҷ вохӯрии роҳбарияти Кумитаи рушди сайёҳии назди Ҳукумати ҷумҳурӣ бо фаъолони ноҳия ва ҷамоатҳои шаҳру деҳот оид ба шарҳу тавзеҳи Паёми навбатии Президенти  Ҷумҳурии Тоҷикистон, Пешвои миллат муҳтарам Эмомалӣ Раҳмон  ба Маҷлиси Олӣ баргузор гардид. Дар ин хусус Кумитаи рушди сайёҳии назди Ҳукумати ҷумҳурӣ иттилоъ медиҳад.

Муовини якуми раиси Кумитаи рушди сайёҳии назди Ҳукумати ҷумҳурӣ Ҳабибулло Амирбекзода фаъолони ноҳияро ҷиҳати омодагӣ ба таҷлили ҷашни 30-солагии Истиқлоли давлатӣ, дастгирии табақаҳои ниёзманд, истифодаи сарфакоронаи неруи барқ, шинонидани ниҳолҳо, истифодаи оқилонаи заминҳои наздиҳавлигӣ, пешгирии сабабу омилҳои сар задани зуҳуроти номатлуби ифротгароӣ миёни ҷавонон ва оқибатҳои ногувори он даъват намуд.

Сокинони ноҳияи Ванҷ изҳор доштанд, ки дастуру ҳидоятҳо ва мазмуну муҳтавои Паёми Президенти Ҷумҳурии Тоҷикистонро сармашқи фаъолият қарор дода, баҳри ободу зебо гардонидани ноҳия ва рушди бахшҳои гуногуни он содиқона талошу заҳмат менамоянд.