Анн Линде: Узвияти Тоҷикистонро дар САҲА дар сатҳи баланд арзёбӣ мекунем

Апрель 15, 2021 16:03

ДУШАНБЕ, 15.04.2021 /АМИТ «Ховар»/. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмон имрӯз дар Қасри миллат Вазири корҳои хориҷии Подшоҳии Шветсия — Раиси амалкунандаи Созмони амният ва ҳамкорӣ дар Аврупо (САҲА) хонум Анн Линдеро, ки бо сафари корӣ дар Душанбе қарор дорад, ба ҳузур пазируфтанд.

«Ман ба ҳайси Раиси амалкунандаи Созмони амният ва ҳамкорӣ дар Аврупо (САҲА) дар доираи сафар ба кишварҳои Осиёи Марказӣ бо Президенти Тоҷикистон муҳтарам Эмомалӣ Раҳмон мулоқот анҷом додам, ки барои ман мояи шарафмандии бузург буд. Дар мулоқот доираи васеи ҳамкории дуҷониба ва бисёрҷониба бо Шветсия, инчунин ҳамкорӣ дар чаҳорчӯби САҲА мавриди баррасӣ қарор гирифтанд. Мо ҳамчунин вазъро дар минтақа ва Афғонистон баррасӣ намудем», — гуфт зимни нишасти хабарии пас аз мулоқот бо Пешвои миллат Эмомалӣ Раҳмон Вазири корҳои хориҷии Подшоҳии Шветсия Анн Линде.

Ба гуфти Анн Линде, «сафар ба Душанбе нишонаи он аст, ки мо чи гуна ба муносибатҳои байни САҲА ва Ҷумҳурии Тоҷикистон эътибори хосса медиҳем. Мо узвияти Ҷумҳурии Тоҷикистонро дар САҲА дар сатҳи баланд арзёбӣ мекунем. Ба Ҷумҳурии Тоҷикистон барои дастгириҳои ҳамаҷониба ва ҳамкории пурмаҳсул бо САҲА миннатдории бепоёни худро изҳор медорам»,- зикр намуд Раиси амалкунандаи Созмони амният ва ҳамкорӣ дар Аврупо Анн Линде.

Дар идома Анн Линде таъкид намуд, ки дар мулоқот масъалаҳои афзалиятноке, ки аз давраи раёсати Шветсия дар САҲА бармеоянд, баррасӣ шуданд. «Имрӯз иштироки занон дар ҷараёни рушди иқтисодиву иҷтимоии ҳар як кишвар ниҳоят муҳим аст, то онҳо ҳам имконияти саҳм гузоштан  дар ҳалли масъалаҳои гуногунро пайдо намоянд. Ман хушҳол аз он ҳастам, ки Ҷумҳурии Тоҷикистон Барномаи миллиро дар бобати баланд бардоштани мақому манзалати занон қабул ва амалӣ менамояд», —  афзуд Раиси амалкунандаи САҲА Анн Линде.

Анн Линде иттилоъ дод, ки дар доираи мулоқот инчунин масъалаи лоиҳаҳои гуногун, ки аз ҷониби CАҲА дар Тоҷикистон амалӣ гардида истодаанд, баррасӣ шуданд. Лоиҳаҳои САҲА дар Тоҷикистон фарогири масъалаҳои муҳим, аз қабили идоракунии захираҳои об,  баланд бардоштани малакаҳои кормандони мақомоти ҳифзи ҳуқуқ ва сарҳад дар доираи Коллеҷи сарҳадии САҲА дар Тоҷикистон мебошанд. Барномаҳои САҲА ба масъалаҳои пешгирии экстремизми зӯроварона, ки дар натиҷа ба терроризм оварда мерасонад ва ҳамбастагии онҳо бо масоили ҳуқуқи инсон равона шудаанд.

«Умедворам, ки дар оянда ҳамкории САҲА ва Тоҷикистон, инчунин Шветсия  бо Тоҷикистон боз ҳам ба сатҳи баланд  бардошта мешавад»,-гуфт дар фарҷом Вазири корҳои хориҷии Подшоҳии Шветсия — Раиси амалкунандаи Созмони амният ва ҳамкорӣ дар Аврупо (САҲА) хонум Анн Линде

Апрель 15, 2021 16:03

Хабарҳои дигари ин бахш

Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд
Дар Берлин ҷашни байналмилалии Наврӯзро таҷлил намуданд
Дар Душанбе фаъолияти Бонки аврупоии таҷдид ва рушд дар Тоҷикистон баррасӣ шуд