Дар шаҳри Турсунзода ба ҳар хонавода китоби «Тоҷикон»-и аллома Бобоҷон Ғафуров тақдим мегардад

Апрель 29, 2021 09:31

ТУРСУНЗОДА, 29.04.2021 /АМИТ «Ховар»/. 28 апрел корвони китоби «Тоҷикон»-и аллома Бобоҷон Ғафуров, ки  ҳамчун қомус ва шиносномаи миллат арзёбӣ мешавад, вориди шаҳри Турсунзода гардид.

Котиби матбуоти раиси шаҳри Турсунзода  Фирӯз Холиқов ба хабарнигори АМИТ «Ховар» иброз дошт, ки “ин шоҳасар  саҳифаҳои пурифтихори миллати куҳанбунёди тоҷиконро инъикос намуда, аз ҳар яки мо тақозо менамояд, ки  барои таҳкими пояҳои давлатдории хеш ва баланд бардоштани рӯҳияи ватандӯстии насли ҷавон аз саҳифаи таърихи ниёгон сабақи ибратомӯз бардорем. Хушбахтона, туҳфаи пурарзиши муҳтарам Пешвои миллат ба шаҳри Турсунзода низ ворид гардида, аз ҷониби мардуми меҳнатдӯсти шаҳр бо хушҳолӣ пазируфта шуд. Ҷиҳати сари вақт  расонидани туҳфаи Сарвари давлат ба аҳолӣ дар назди Мақомоти иҷроияи ҳокимияти давлатии шаҳр комиссия таъсис гардида,  тақсими китобҳо дар  9 ҷамоати деҳот ва маркази шаҳр, ки фарогири  беш аз 55 ҳазор хонавода аст, муташаккилона амалӣ карда мешавад”.

Сокини Ҷамоати деҳоти 10-солагии Истиқлол Ибодулло Мирзоев зимни қабули туҳфаи муҳтарам Пешвои миллат Эмомалӣ Раҳмон  иброз дошт, ки  «барои ман мояи ифтихор аст, ки яке аз бузургтарин махзан — калиди дари дониш ва омӯзиши таърихи халқи тоҷик вориди хонадони мо гардид. Мутмаинам, ки он дар роҳи тарбияи фарзандон ҷиҳати омӯзиши таъриху фарҳанги ниёгон мусоидат намуда, дар тарбияи меҳаншиносӣ, ҳувияти миллӣ ва дарки худогоҳиву худшиносии ҳар фарди миллат нақши босазо  мегузорад».

Ёдовар мешавем, ки дар асоси дастуру супоришҳои  маорифпарваронаи  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон китоби «Тоҷикон»-и аллома Бобоҷон Ғафуров бознашр ва ба ифтихори 30-солагии Истиқлоли давлатии Ҷумҳурии Тоҷикистон ба ҳар хонадони  мамлакат тақдим карда мешавад.

АКСҲО аз Мақомоти иҷроияи ҳокимияти давлатии шаҳри Турсунзода

Апрель 29, 2021 09:31

Хабарҳои дигари ин бахш

Дар Хатлон даври дуюми Озмуни ҷумҳуриявии «Тоҷикистон-Ватани азизи ман» оғоз ёфт
ИҶЛОСИЯИ 44-УМИ КУМИТАИ МЕРОСИ ҶАҲОНИИ ЮНЕСКО ИДОМА ДОРАД. 16 иншооти Тоҷикистон чун номзад барои шомилшавӣ ба Феҳристи мероси ҷаҳонии ЮНЕСКО пешниҳод шудаанд
Хонандаи тоҷик дар Олимпиадаи ҷаҳонӣ аз фанни биология (IBO-2021) соҳиби медали биринҷӣ гардид
Миёни Донишгоҳи давлатии Бохтар ва Донишгоҳи Тирмиз созишномаи ҳамкорӣ ба имзо расид
Дар Қароргоҳи ЮНЕСКО, Беларус ва Амороти Муттаҳидаи Арабӣ Рӯзҳои фарҳанги Тоҷикистон баргузор мегарданд
«Танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд»,-бардошт аз Слёти геологҳои ҷавон
Новобаста ба пандемия ва авзои амниятии Афғонистон беш аз 125 ҳазор нафар сайёҳони хориҷӣ аз Тоҷикистон боздид карданд
Зиёда аз 200 нафар хонандагони мактабҳои Хоруғ дар лагерҳои академӣ ба таълиму истироҳат фаро гирифта шудаанд
Дар МД «Сафина» бинобар пандемия баргузории барномаҳои озмунӣ ва шоу-барномаҳо мавқуф гузошта шуд
Нуриддин Саид: Фарогирии аҳолӣ бо барномаҳои шабакаҳои давлатии телевизион дар пахши рақамӣ 72 фоизро ташкил медиҳад
Дар Донишкадаи давлатии фарҳанг ва санъати Тоҷикистон кафедраи «Технологияи ВАО» таъсис ёфт
Дар Донишкадаи давлатии забонҳои Тоҷикистон 524 нафар шаҳрвандони хориҷӣ таҳсил мекунанд

Маводҳои таҳлилӣ