Мухлисони россиягӣ Муҳаммад Султоновро беҳтарин бозингари КФ Нижний Новгород эътироф намуданд

Апрель 7, 2021 11:25

ДУШАНБЕ, 07.04.2021 /АМИТ «Ховар»/. Нимҳимоятгари дастаи футболи «Нижний Новгород» -и Россия Муҳаммад Султонов (ДАР АКС), дар асоси ҷамъбасти натиҷаҳои пурсиши мухлисон беҳтарин футболбози моҳи март эътироф шуд, хабар медиҳад маркази матбуоти даста.

Зодаи Тоҷикистон беш аз 41,83% овозҳоро касб намуд, ки ин беш аз шашсад нафар аст.

Ҳамин тавр, Муҳаммад Султонов бозингари беҳтарини моҳи март номида шуд.

Ҷои дуввум насиби Бек Кавтарадзе, ки ба қарибӣ ба дастаи «Нижний» ҷалб шудааст, гардид ва 20,22% мухлисон ба ӯ овоз додаанд.

Ҳамлагари Гвинеягӣ Момо Янсане бо 18,21% овоз дар ҷои сеюм аст.

Сомонаи дастаи «Новгород» муваффақияти Султоновро зикр  кардааст. Масалан, моҳи марти соли равон варзишгар ба дарвозаҳои «Факел» -и Воронеж, «Шинник» -и  Ярославл ва ҳатто ду маротиба ба дарвозаи дастаи «Торпедо» -и Москва гол задааст.

Ҳар яки ин голҳо хеле ҷолиб буданд, ки ба шарофати ин Муҳаммад бо шаш голи задааш дар рӯйхати беҳтарин нишонзанҳои ДФ “Нижний Новгород” ҷои сеюмро ишғол мекунад.

Илова бар ин, аввали моҳи апрел дар бозӣ бо “Балтика” легионери тоҷик ба ҳамдастааш Никита Каккоев як партофти муҳим анҷом дод, ки пас аз он голи ғалабаовар зада шуд.

Ёдовар мешавем, ки ин варзишгари тоҷик аз охири соли 2020 дар ДФ “Нижний Новгород” таҳти рақами 14 бозӣ мекунад.

Султоновро дар даста қадрдонӣ мекунанд ва аз ӯ ҳамчун «футболбози бомаҳорат ва нишонзани хуб» ном мебаранд. Қарордоди ӯ бо дастаи Россия барои ду сол имзо шудааст.

Муҳаммад Султонов 28 сол дорад. Варзишгар дар шаҳраки Ёвони вилояти Хатлон таваллуд шудааст.

Вай ба футболбозӣ дар Мактаби варзишии кӯдакон ва наврасони рақами 1-и шаҳри Каменкаи вилояти Пенза шурӯъ намуда, соли 2007 дар мактаби футболи ССКА маҳорати худро такмил додааст.

Султонов дар дастаҳои «Локомотив-2», «Спартак-Налчик», «Тосно», «Шинник» бозӣ кардааст. Солҳои охир футболбоз дар ҳайати дастаи «Ротор» бозӣ мекард.

                                   АКСИ: хадамоти матбуоти ДФ «Нижний Новгород»

Апрель 7, 2021 11:25

Хабарҳои дигари ин бахш

Сомон Маҳмадбеков ба финали Чемпионати Осиё-Океания баромад
Ғолибони даври аввали Чемпионати Тоҷикистон миёни дастаҳои Лигаи олӣ муайян шуданд
Шукрона Карчиева дар Чемпионати Осиё-Океания барои медали биринҷӣ талош мекунад
Бозии дастаҳои «Эсхата» ва «Хатлон» мусовӣ анҷом ёфт
Дар Тоҷикистон шанбе Рӯзи варзиш ва солимгардонӣ эълон шудааст. Эҳдо ба Рӯзи байналмилалии варзиш ба хотири сулҳу субот
Ҳарифони паҳлавонони тоҷик дар Чемпионати Осиё-Океания муайян шуданд
Дувоздаҳ варзишгари маъруфи тоҷик дар Чемпионати Осиё-Уқёнусия-2021 иштирок мекунанд
Комроншоҳ Устопириён ва Темур Раҳимов дар мусобиқаи «Antalya Grand Slam 2021» ҷойҳои панҷумро ишғол намуданд
ФУТБОЛ. «Файзканд» ва «Хуҷанд» дар даври якуми Чемпионати Тоҷикистон-2021 бар ҳарифонашон ғолиб омаданд
Имрӯз чемпионати Тоҷикистон-2021 оид ба футбол оғоз мегардад
Дастаи «Истиқлол» бори 10-ум Суперҷоми Тоҷикистонро оид ба футбол ба даст овард
Дастаи мунтахаби Тоҷикистон барои иштирок дар Чемпионати Осиё оид ба гӯштини озод омодагӣ мебинад

Маводҳои таҳлилӣ