Туҳфаи Пешвои миллат — китоби «Тоҷикон» дастраси сокинони ноҳияи Сангвор гардид

Апрель 10, 2021 10:59

САНГВОР, 10.04.2021 /АМИТ «Ховар»/. Дар асоси дастуру  супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корвони китоби «Тоҷикон»-и Бобоҷон Ғафуров ба ноҳияи Сангвор расид.

Ин туҳфаи гаронарзиш, ки ба баланд бардоштани хештаншиносӣ ва ҳувияти миллии ҳар шаҳрванди мамлакат равона гардидааст, бо иштироки намояндагони Ҳукумати Ҷумҳурии Тоҷикистон  ба 3000 оилаи  ҷамоатҳои деҳоти  Сангвор расонида шуд. Дар ин бора мудири шуъбаи рушди иҷтимоӣ ва робита бо ҷомеаи ноҳияи Сангвор  Шодӣ Раҳмонов ба хабарнигори АМИТ «Ховар» иттилоъ дод.

Қабули туҳфаи навбатии Пешвои миллат муҳтарам Эмомалӣ Раҳмон сокинони ноҳияро рӯҳбаланд гардонид ва онҳо  иброз доштанд, ки “фарзандони мо ва насли наврас дар натиҷаи хондани ин китоб аз таърихи гузаштагони худ огоҳ гардида, бо меҳри ватандӯстонаю меҳанпарастона оянда дар рушди Тоҷикистони азиз саҳми арзанда мегузоранд”.

Ёдовар мешавем, ки нашри китоби «Тоҷикон»-и Бобоҷон Ғафуров соли равон сурат гирифт. То ҷашни 30-юмин солгарди Истиқлоли давлатии Ҷумҳурии Тоҷикистон аз номи Пешвои миллат ин китоб бояд ба ҳар сокини кишвар тақдим  карда шавад.

Апрель 10, 2021 10:59

Хабарҳои дигари ин бахш

«Мирзо Турсунзода ва Ҳиндустон». Таҳти чунин унвон дар Осорхонаи миллии Тоҷикистон намоиш ва конфронси илмӣ доир шуд
Дар шаҳри Хуҷанд мактаби «Оксфорд» бунёд мегардад
Маркази миллии тестӣ: Давраи бақайдгирии ИМД то 30 апрел тамдид карда шуд
«Андалеб-2021» 30 соли Истиқлоли давлатиро бо тобишҳои рангин инъикос мекунад
«ДУШАНБЕ — ҚАЛБИ ТОҶИКИСТОН». Қисми 2-юми ин китоб рӯнамоӣ гардид, ки он беҳтарин туҳфа дар Рӯзи пойтахт мебошад
«Ғубор ба Тоҷикистон аз дуриҳо меояд»,- шарҳи матбуоти даврии Тоҷикистон
Ширкати «Serba Dinamik Holding Berhad»-и Малайзия тасмим дорад дар Тоҷикистон Донишгоҳи технологияи иттилоотӣ таъсис диҳад
«Комсомолская правда»: Пугачёва Манижаро дастгирӣ ва пирӯзиашро дар «Евровидение» пешгӯӣ кард
«Тоҷикистон — кишвари дарёҳои тиллоӣ». Таҳти чунин унвон Намоишгоҳи нигораҳои таърихӣ дар Осорхонаи Гимеи Париж баргузор мегардад
ИМРӮЗ – ЗОДРӮЗИ САДРИДДИН АЙНӢ. Дар натиҷаи ҷустуҷӯҳо 30 шеъри тозаи устод пайдо гардид
Муаррифӣ ва эътирофи фарҳанги тоҷик аз ҷониби ҷаҳониён барои ҳар сокини Тоҷикистон ифтихор аст. Эҳдо ба Рӯзи байналмилалии фарҳанг
ФУТБОЛ. Имрӯз дастаҳои «Истиқлол» ва «Шабоб Ал-Аҳлӣ» рақобат мекунанд

Маводҳои таҳлилӣ