«ЗИ ҶӮЕ, КИ ХӮРДӢ АЗ ОН ОБИ ПОК…». Дар ноҳияи Сино аксияи экологии «Тозагии соҳил» доир гардид

Апрель 19, 2021 13:31

ДУШАНБЕ, 19.04.2021 /АМИТ «Ховар»/. Зимни гузаронидани аксияи экологии «Тозагии соҳил» дар ноҳияи Синои пойтахт 32 метри мураббаъ  партовҳои сахти маишӣ ҷамъоварӣ ва 246 метри тӯлонӣ назди соҳили дарёи Душанбе аз партов тоза карда шуд.

Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки дар  аксияи экологии «Тозагии соҳил», ки дар соҳили дарёи Душанбе гузаронида шуд, кормандони соҳаи коммуналӣ,  шуъбаи маорифи ноҳияи Сино ва сокинони маҳаллаи Қарамиршикор фаъолона ширкат варзида, партовҳои сахти маиширо ҷамъоварӣ ва соҳили дарёро аз поруҳо тоза намуданд. Партовҳои ҷамъоваришуда тавассути техникаҳои махсуси Раёсати истифодабарии роҳҳои ноҳия ба партовгоҳи шаҳрӣ бароварда шуданд.

Инчунин бо мақсади баланд бардоштани маърифат ва тарбияи экологии аҳолӣ, роҳ надодан ба ҷойгир намудани партов дар соҳили дарёву каналҳо, ҷойҳои ғайримуқаррарӣ, олуда накардани оби нӯшокӣ ва саҳмгузорӣ дар корҳои ободонию шукуфоӣ аз ҷониби кормандони Раёсати ҳифзи муҳити зисти шаҳри Душанбе бо аҳолии маҳаллаи Қарамиршикор суҳбату вохӯриҳо гузаронида шуданд.

Зимни мулоқот бо аҳолӣ риояи қоидаҳои тартиботи ҷамъиятӣ, ободонӣ ва санитарӣ дар шаҳри Душанбе таъкид гардида, гуфта шуд, ки сокинон  тавассути иштирок дар  аксияҳои экологии «Тозагии соҳил» ва «Тозагии маҳал»-и мақомоти иҷроияи ҳокимияти давлатии шаҳри Душанбе дар тозагии муҳити зист ҳисса мегузоранд.

Тавре дар ин маврид шоир мегӯяд:

Зи ҷӯе, ки хӯрдӣ аз он оби пок,
Нашояд фикандан дар он сангу хок.

Апрель 19, 2021 13:31

Хабарҳои дигари ин бахш

МУДОФИАИ ГРАЖДАНӢ. Дар ноҳияи Данғара омӯзишҳои мудофиавӣ амалӣ гардиданд
Донишҷӯи Консерваторияи миллии Тоҷикистон дар озмуни байналмилалӣ сазовори ҷои ифтихорӣ шуд
Ба кормандони ширкатҳои пешрафта чиро ва бо кадом роҳ меомӯзонанд?
Имрӯз дар Тоҷикистон ҳавои камабри бебориш дар назар аст
Дар Хуҷанд вобаста ба истифодаи технологияи муосир дар таълими фанҳои табиатшиносӣ, дақиқ ва риёзӣ конференсияи ҷумҳуриявӣ доир шуд
ТАРБИЯИ ВАТАНДӮСТИИ ШАҲРВАНДОН. Доир ба он дар Кумитаи телевизион ва радиои Тоҷикистон мулоқоти судманд баргузор шуд
Ҷиҳати баланд бардоштани маърифати ҳуқуқии шаҳрвандон дар шаҳри Турсунзода вохӯрӣ доир гардид
«Шаббода»-и адиб Иззатбек Идизода ғолиби озмуни «Китоби сол -2023» гардид
Фохта парандаи сол интихоб шуд
Муассисаи давлатии нигоҳдории роҳҳои автомобилгарди ноҳияи Восеъ ба мавсими сармо омода аст
Дар Коллеҷи омӯзгории Донишгоҳи давлатии Кӯлоб вобаста ба оқилона истифода бурдани қувваи барқ вохӯрӣ доир шуд
Дар ноҳияи Ҷаббор Расулов моҳипарварӣ рушд меёбад