Ҳарифони паҳлавонони тоҷик дар Мусобиқаи ҷаҳонии интихобии олимпӣ муайян гардиданд
ДУШАНБЕ, 06.05.2021 /АМИТ «Ховар»/. Имрӯз, 6 май дар шаҳри Софияи Булғористон мусобиқаи ниҳоии интихобӣ оид ба гӯштин дар доираи Бозиҳои олимпии Токио – мусобиқаи интихобии ҷаҳонӣ оғоз шуда, то 9 май идома меёбад. Аз Ҷумҳурии Тоҷикистон дар ин мусобиқа 5 варзишгар иштирок мекунад.
Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Тибқи иттилои сомонаи расмии Иттиҳоди ҷаҳонии гӯштин, барои ба даст овардани 36 роҳхати охирин ба Токио (иштирокчиёни финал дар 18 категорияи вазнӣ) 474 нафар варзишгарон аз 84 давлати дунё дар София ҷамъ меоянд. Ҳоло тибқи натиҷаи қуръакашӣ рақибони паҳлавонони тоҷик маълум шуданд.
Дар мусобиқаи мазкур варзишгарони зерин иштирок мекунанд:
Гӯштини тарзи озод
Даври муқаддамотӣ: 57кг – Муҳаммад Икромов – Рикард Антонио (Панама)
Даври муқаддамотӣ: 86кг – Баҳодур Қодиров — Бедопасса Буассат (Гвинея-Бисау)
Даври муқаддамотӣ: 125кг – Искандари Рустам — Ҷере Хейно (Финландия)
Гӯштини юнонӣ-румӣ
Даври 1/8 ниҳоӣ: 60кг – Фирӯз Мирзораҷабов— Ҷошуа Хавйер (Пуэрто-Рико)
Даври муқаддамотӣ: 77кг – Далер Ризозода — Гурприт Сингх (Ҳиндустон)
Иттиҳоди ҷаҳонии гӯштин хабар додааст, дар ҳоле ки дар панҷ соли охир гӯштингирони ҷавон рӯи майдон омадаанд, ҳашт нафар ҷоизадори олимпӣ ҳанӯз роҳхати Бозиҳои олимпии Токиоро нагирифтаанд ва дар мусобиқаи София ширкат мекунанд.
Чемпионати ҷаҳон оид ба гӯштин, ки соли 2019 дар шаҳри Нурсултони Қазоқистон баргузор шуда буд (6 роҳхат дар ҳар категорияи вазнӣ), мусобиқаҳои интихобии қоравӣ, ки соли 2021 доир гардиданд (2 роҳхат дар ҳар категорияи вазнӣ) иштирокчиёни Бозиҳои олимпиро муайян кард. Вале варзишгарони тоҷик дар ду мусобиқаи гузашта натавонистанд роҳхати олимпӣ ба даст оваранд.
Дар Бозиҳои олимпӣ аз рӯи намуди гӯштин 288 варзишгар (192 мард, 96 зан) аз тамоми ҷаҳон ширкат мекунанд ва дар 18 категорияи вазнӣ (равияи тарзи озод — 6 вазн миёни мардон, 6 вазн миёни бонувон ва равияи юнонӣ-римӣ — 6 вазн миёни мардон) барои ҷоизаҳои олимпӣ талош менамоянд.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
