Дар Душанбе гулгашти атрофи муҷассамаи устод Садриддин Айнӣ баъди таъмиру навсозӣ мавриди истифода қарор дода шуд
ДУШАНБЕ, 19.05.2021 /АМИТ «Ховар»/. Дирӯз дар ноҳияи Шоҳмансури шаҳри Душанбе баъди таъмиру навсозӣ гулгашти атрофи муҷассамаи устод Садриддин Айнӣ мавриди истифода қарор гирифт. Дар ҳудуди гулгашт 4 фаввора бо масоҳати умумии 310 метри мураббаъ аз нав сохта шуда, 2 адад фаввораи мавҷуда бо масоҳати 350 метри мураббаъ бо тарҳи замонавӣ навсозӣ карда шудааст. Атрофи гулгашт бо сангҳои гуногун, дохили он бо тахаюли рангин ороиш дода шуда, гулу буттаҳои рангоранг ва майсазорони назаррабо онро боз ҳам мунаққаштар гардонидааст.
Тавре АМИТ “Ховар” бо истинод ба мақомоти иҷроияи ҳокимияти давлатии шаҳри Душанбе хабар медиҳад, дар кушодашавии гулгашти мазкур муовини якуми Раиси шаҳри Душанбе Амирхон Қурбонзода ва дигар масъули соҳа иштирок намуданд.
«Корҳои таъмиру навсозии гулгашти атрофи муҷассамаи устод Садриддин Айнӣ ҳанӯз 15 июни соли 2020 оғоз ёфта, он аз ҷониби Корхонаи воҳиди давлатии «Роҳи оҳани Тоҷикистон» мутобиқи нақшаи тарҳрезишуда амалӣ гардид. Гулгашти нав дар арафи ҷашни 30-солагии Истиқлоли давлатии Ҷумҳурии Тоҷикистон беҳтарин туҳфа барои сокинону меҳмонони пойтахт маҳсуб мешавад”,-афзуд манбаъ.
Дар ҳудуди гулгашт роҳравҳо бо фурӯзонакҳои ороишӣ муҷаҳҳаз гардонида шудаанд, ки шабонгоҳон ба ин мавзеъ шукӯҳи тоза мебахшад.
Масоҳати умумии гулгашт беш аз 6 ҳазор метри мураббаъро дар бар гирифта, иҷрои корҳои сабзазоркунӣ масоҳати беш аз 2 ҳазору 700 метри мураббаъро ташкил медиҳад. Ҳамзамон дар гулгашт дарахтон ва ниҳолу гулҳои ороишӣ шинонида шудааст.
Ёдовар мешавем, ки аз тарафи роҳбарияти Корхонаи воҳиди давлатии «Роҳи оҳани Тоҷикистон» дар пойтахт чор пул, се гулгашту сайргоҳ ва чандин иншооти дигари муҳими аҳамияти иҷтимоӣ ва фарҳангию маърифатидошта сохта мавриди истифодаи умум қарор дода шуд.
Мояи ифтихор аст, ки бо дастуру ҳидоятҳои ғамхоронаю инсондӯстонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташаббусу иқдомоти пайвастаи Раиси шаҳри Душанбе муҳтарам Рустами Эмомалӣ пойтахти мамлакат рӯз то рӯз зебою хуррам гардида истодааст.
«МАЙДОНИ ИСТИҚЛОЛ». Ин иншооти муҳташам ва сайёҳии шаҳри Душанбе аст, ки дили сокинону меҳмонони пойтахтро тасхир кардааст
«ҲУНАР БЕҲТАР АЗ ЗАР БУВАД». Дар Душанбе Фестивали ҳунармандон баргузор мегардад
Ҷаласаи Шурои ҳамоҳангсози фаъолияти соҳаи сайёҳӣ дар Душанбе баргузор гардид
«ОИЛАИ НАМУНАВӢ». Дар Душанбе даври шаҳрии озмун баргузор гардид
«ФАХР ДОРАМ, ТОҶИКАМ МАН, ИФТИХОРАМ ТОҶИКИСТ». Таҳти чунин унвон ҳамоиши фарҳангӣ доир гардид
Дар Душанбе бо мақсади тавсеаи фаъолият дар самти кор бо занон ва оила ҷаласаи сайёр баргузор шуд
Бо қарори Раиси шаҳри Душанбе омодагӣ ба ташкили истироҳати кӯдакону наврасон оғоз гардид
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Президенти Бонки аврупоии таҷдид ва рушд мулоқот намуданд
Шаҳрҳои Душанбе ва Нарваи Эстония ҳамкориро дар соҳаҳои гуногун тақвият медиҳанд
Лоиҳаи Харитаи электронии шаҳри Душанбе муаррифӣ гардид
Аз 26 апрел дар баъзе кӯчаву хиёбонҳои шаҳри Душанбе ҳаракати воситаҳои нақлиёт қатъ мегардад
Рустами Эмомалӣ сокинони шаҳри Душанберо ба муносибати Рӯзи пойтахт табрик намуданд
