Дар ноҳияи Кӯшониён ярмаркаи либоси мактабӣ доир шуд
ДУШАНБЕ, 03.05.2021 /АМИТ «Ховар»/. Тавре қаблан иттилоъ додем, 29 апрел таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид. Президенти Ҷумҳурии Тоҷикистон дар маҷлис дар баробари баррасии дигар масоил, аз ҷумла чунин иброз намуданд: «..раисони вилоятҳо ва шаҳру ноҳияҳо якҷо бо Вазорати саноат ва технологияҳои нав то моҳи сентябр тавассути ташкили корхонаву коргоҳҳои дӯзандагӣ бо кор таъмин намудани бонувон ва истеҳсоли либосҳои мактабиро дар ҳамаи шаҳру ноҳияҳо ба роҳ монда, талаботро ба ин намуди маҳсулот аз ҳисоби истеҳсоли дохилӣ қонеъ гардонанд».
Вобаста ба иҷрои супориши Президенти Ҷумҳурии Тоҷикистон муҳтарам Эмомалӣ Раҳмон 1 май дар ноҳияи Кӯшониён ярмаркаи либоси мактабӣ баргузор гардид.
Тавре аз шуъбаи маорифи ноҳияи Кӯшониён иттилоъ доданд, дар ярмаркаи мазкур ширкатҳои «Дарз», «Равзаи Юсуф», «Наҷиба» ва «Кота глобал» маҳсулоти худро ба фурӯш гузоштанд.
Ҳамчунин миёни шуъбаҳои маорифи ноҳия ва ширкатҳо созишнома ба имзо расид, ки то соли таҳсили 2022 ба муассисаҳои таълимӣ 29,325 адад либоси мактабӣ дода мешавад.
Бояд гуфт, ки либосҳо бо сифати баланд ва нархи дастрас пешниҳод гардиданд. Дар назар аст, ки чунин ярмаркаҳо дар ҷамоату деҳаҳои дигари ноҳия низ баргузор гарданд.
Акс аз мақомоти иҷроияи ҳокимияти давлатии ноҳияи Кӯшониён
25 сол дар алоқа: оид ба ивазшавии наслҳо, рақамикунонӣ ва корҳои муҳими ба чашм ноаён
Имрӯз дар Тоҷикистон ҳаво то 33 дараҷа гарм мешавад
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
