ФУТБОЛ. Бозиҳои даври шашуми Чемпионати Тоҷикистон миёни дастаҳои Лигаи олӣ оғоз мешаванд
ДУШАНБЕ, 05.05.2021 /АМИТ «Ховар»/. Пагоҳ бозиҳои даври шашуми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат оғоз мешаванд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Аз 30 апрел то 1 май бозиҳои даври панҷуми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат баргузор гардиданд. Дар ин давр дастаи футболи «Хуҷанд»-и шаҳри Хуҷанд дар майдони худ ба дарвозаи дастаи «Кӯктош»-и ноҳияи Рӯдакӣ 4 голи беҷавоб зад. Ғалабаи дастаи футболи «Хуҷанд»-и шаҳри Хуҷандро дар ин бозии ҷолиб Дилшод Бозоров, Далер Ёдгоров, Нозим Бобоҷонов ва Тоҳир Малодӯстов таъмин намуданд.
Бозӣ миёни дастаҳои футболи «Хатлон»-и шаҳри Бохтар – КМВА-и шаҳри Душанбе бо ҳисоби мусовии 1:1 анҷом ёфт. Суннатулло Исмоилов дар дақиқаи 67 бохтариҳоро ба пеш баровард, вале Комрони Мирзохон аз дастаи артиш баъди 6 дақиқа ҳисобро баробар кард. Дастаи футболи «Душанбе»-и шаҳри Душанбе дар як бозии пуршиддат бар дастаи футболи «Равшан»-и шаҳри Кӯлоб бо ҳисоби 4:2 пирӯз шуд. Бозингари дастаи «Равшан»-и шаҳри Кӯлоб Алишер Эргашев дар дақиқаи 12-ум тӯбро вориди дарвозаи дастааш карда, ҳисобро кушод. Кӯлобиҳо тавассути зарбаҳои нишонраси Муҳаммад Ризомов дар дақиқаи 29 ва Аваз Қамчинов дар дақиқаи 51 ба пеш баромаданд, вале ҳисобро нигоҳ дошта натавонистанд. Бозингарони дастаи футболи «Душанбе» Иззатулло Рӯзиев ду гол, Амир Манеш як гол зада, пирӯзии дастаи футболи «Душанбе»-и шаҳри Душанберо таъмин намуданд. Ниҳоят, дар бозии охирини даври панҷум дастаи футболи «Истаравшан»-и шаҳри Истаравшан дар сафар бар дастаи нави Лигаи олӣ – «Эсхата»-и шаҳри Хуҷанд бо ҳисоби 2:3 ғолиб омад. Голҳои дастаи футболи «Истаравшан»-и шаҳри Истаравшанро дар ин бозии ҷолиб Ҷаҳонгир Сафаров, Отабек Каримов, Фирӯз Раҳматов, голҳои дастаи «Эсхата»-ро Акобир Тураев ва Мубинҷон Муъминов заданд.
Ҳамин тариқ, пас аз натиҷагирии панҷ даври бозиҳо дар ҷадвали мусобиқа дастаи фуболи «Хуҷанд»-и шаҳри Хуҷанд бо 10 хол пешсаф аст. Дастаи футболи «Файзканд»-и ноҳияи Восеъ бо ҳашт хол дар ҷои дуюм, дастаи футболи «Истаравшан»-и шаҳри Истаравшан бо 7 хол дар ҷои сеюм мавқеъ доранд.
Чемпионати Тоҷикистон-2021
Лигаи олӣ. Даври 6-ум
6 май (Панҷшабе)
Оғози бозӣ соати 17:00
«Равшан» – «Хатлон»
«Истаравшан» – «Хуҷанд»
8 май (Шанбе)
Оғози бозӣ соати 17:00
«Кӯктош» – «Душанбе»
9 май (Якшанбе)
Оғози бозӣ соати 17:00
«Истиқлол» – КМВА «Помир»
«Файзканд» – «Эсхата»
Чемпионати Тоҷикистон-2021
Лигаи олӣ. Даври 5-ум
30 апрел (панҷшанбе)
«Хуҷанд» – «Кӯктош»
Голҳо: Дилшод Бозоров, 41 (1:0). Далер Ёдгоров, 68 (2:0). Нозим Бобоҷонов, 90+2 (3:0). Тоҳир Малодустов, 90+3 (4:0).
Варзишгоҳи «20-солагии Истиқлолияти Тоҷикистон». Хуҷанд
«Хатлон» – КМВА-1:1
Голҳо: Сунатулло Исмоилов, 67 (1:0). Комрони Мирзохон, 74 (1:1)
Варзишгоҳи «Пахтакор». Бохтар
1 май (шанбе)
«Эсхата» – «Истаравшан» – 2:3
Голҳо: Акобир Тураев, 23 (1:0). Ҷаҳонгир Сафаров, 36 (1:1). Мубинҷон Муминов, 59 (2:1). Отабек Каримов, 76 (2:2). Фирӯз Раҳматов, 90+1 (2:3).
Варзишгоҳи «Пахтакор». Хуҷанд
«Душанбе» – «Равшан» – 4:2
Голҳо: Алишер Эргашев, 13 (0:1). Муҳаммад Ризомов, 29 (1:1). Аваз Қамчинов, 51 (1:2). Изатулло Рузиев, 66 (2:2). Амир Мемари Манеш, 75 (3:2). Изатулло Рузиев, 87 (4:2).
Варзишгоҳи марказии шаҳри Душанбе
Мавқеи дастаҳо дар ҷадвали мусобиқа
| ҶОЙ | ДАСТАҲО | Б | Ғ | М | Б | Т | Т | ФТ | Х |
| 1. | «ХУҶАНД» (ХУҶАНД) | 5 | 3 | 1 | 1 | 11 | 3 | +8 | 10 |
| 2. | «ФАЙЗКАНД» (ВОСЕЪ) | 4 | 2 | 2 | 0 | 4 | 1 | +3 | 8 |
| 3. | «ИСТАРАВШАН» (ИСТАРАВШАН) | 4 | 2 | 1 | 1 | 4 | 3 | +1 | 7 |
| 4. | «ДУШАНБЕ» (ДУШАНБЕ) | 4 | 2 | 0 | 2 | 7 | 9 | -2 | 6 |
| 5. | «КӮКТОШ» (РӮДАКИ) | 4 | 2 | 0 | 2 | 4 | 8 | -4 | 6 |
| 6. | «ЭСХАТА» (ХУҶАНД) | 5 | 1 | 2 | 2 | 8 | 8 | 0 | 5 |
| 7. | «РАВШАН» (КӮЛОБ) | 5 | 1 | 2 | 2 | 4 | 6 | -2 | 5 |
| 8. | КМВА (ДУШАНБЕ) | 5 | 1 | 1 | 3 | 5 | 8 | -3 | 4 |
| 9. | «ХАТЛОН»(БОХТАР) | 4 | 0 | 3 | 1 | 3 | 4 | -1 | 3 |
| 10. | «ИСТИҚЛОЛ» (ДУШАНБЕ) | 0 | 0 | 0 | 0 | 0 | 0 | 0 | 0 |
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
РӮЗИ ҶАҲОНИИ ФУТБОЛ – 25 МАЙ: Дипломатияи варзишии Рустами Эмомалӣ дар сатҳи ҳуқуқи байналмилалӣ
Ҳайати васеи дастаи мунтахаби Тоҷикистон барои бозиҳои дӯстонаи моҳи июн эълон гардид
РӮЗИ ҶАВОНОН. Дар Москва бо варзишгарони тоҷик, аз ҷумла варзишгарони параолимпӣ вохӯрӣ баргузор гардид
