Шабонарӯзи охир дар ҷаҳон зиёда аз 505 ҳазор ҳолати сирояти коронавирус ошкор шуд

ДУШАНБЕ, 29.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 505 ҳазор афзоиш ёфта, аз 170,15 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

 Ба ҳолати соати 10:00 (ба вақти Душанбе)-и 29 май, ба СУТ дар бораи 170 153 479 сироятшуда ва 3 537 922 фавт маълумот расидааст. Шумораи гирифторони ин беморӣ шабонарӯзи охир 505 987 нафар ва фавтидагон 11 968 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 34 022 657. Баъд аз он Ҳиндустон (27 729 247), Бразилия (16 392 657), Франсия (5 646 897), Туркия (5 228 322), Россия (5 044 459), Британияи Кабир (4 477 705), Италия (4 209 707), Аргентина (3 702 422), Германия (3 680 159), Испания (3 668 658) ва Колумбия (3 342 567) қарор доранд.

АКС аз Pexels