Шабонарӯзи охир дар ҷаҳон зиёда аз 537 ҳазор ҳолати сирояти коронавирус ошкор гардид

ДУШАНБЕ, 28.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 537 ҳазор афзоиш ёфта, аз 169,64 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 28 май, ба СУТ дар бораи 169 643 590 сироятшуда ва 3 525 259 фавт маълумот расидааст. Шумораи гирифторони ин беморӣ шабонарӯзи охир 537 676 нафар ва фавтидагон 11 643 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 33 999 680. Баъд аз он Ҳиндустон (27 555 457), Бразилия (16 342 162), Франсия (5 635 629), Туркия (5 220 549), Россия (5 035 207), Британияи Кабир (4 473 677), Италия (4 205 970), Германия (3 673 969), Аргентина (3 663 215), Испания (3 663 176) ва Колумбия (3 319 193) қарор доранд.

АКС аз Arnold Jerocki / Getty Images