Дар ҳудуди «Қалъаи Хуҷанд» сохтмони чойхона ва маҳаллаву хонаҳои қадимӣ идома доранд

Июнь 26, 2021 09:00

ДУШАНБЕ, 26.06.2021 /АМИТ «Ховар»/. Дар партави дастуру ҳидоятҳои​ Пешвои миллат муҳтарам Эмомалӣ Раҳмон бо мақсади ҳифзи мероси фарҳангӣ  ва дар доираи омодагиҳо ба истиқболи ҷашни 30-солагии Истиқлоли давлатӣ дар  маркази вилояти Суғд таҷдиду барқарорсозии «Қалъаи Хуҷанд» ҷараён дорад. Корҳои таҷдиду навсозӣ бо назардошти пешниҳодоти олимону таърихшиносон сурат гирифта, дар ҳудуди қалъа бо риояи санъати меъмории миллӣ чойхона ва маҳаллаву хонаҳои қадимӣ сохта шуда истодааст.

Тавре аз хадамоти матбуоти дастгоҳи Раиси вилояти Суғд ба АМИТ «Ховар»  хабар доданд,  зимни боздиди Раиси вилоят Раҷаббой Аҳмадзода аз «Қалъаи Хуҷанд» таъкид шуд, ки қаълаи мазкур  дар тӯли садсолаҳо ҳамчун рамзи мардонагиву диловарӣ ва хештаншиносиву ватандӯстии тоҷикон ном бароварда,  ҳифзу барқарорсозии ин ёдгории таърихӣ барои муаррифии таъриху фарҳанг ва маданияти миллати тоҷик амри зарурӣ мебошад.

Роҳбари вилоят бо рассомону ороишгарон, меъморону таърихнигорон, гаҷкорон ва дигар масъулин суҳбат карда, барои бо сифати баланд ба иҷро расонидани корҳо, ба роҳ мондани ҳафриёти археологӣ, истифодаи унсурҳои миллӣ дар вақти таҷдиду барқарорсозӣ маслиҳату тавсияҳо дод.

Ёдовар мешавем, ки Қалъаи таърихии Хуҷанд дар маркази шаҳр, дар соҳили рости дарёи Сир дар масоҳати 200х300 м. ҷой гирифтааст. Дар бинои қалъа Осорхонаи таърихии вилояти Суғд ҷойгир шудааст, ки яке аз қисматҳои Маҷмааи фарҳангию таърихии «Қалъаи Хуҷанд» мебошад. Қалъаи бостонӣ ба  асри VII тааллуқ дорад.

Аксҳ аз манбаъҳои боз

Июнь 26, 2021 09:00

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар шаҳри Ваҳдат бинои Маркази ташхиси санитарию эпидемиологӣ ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Чорбоғи шаҳри Панҷакент бинои беморхонаи минтақавӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ Маркази ёрии таъҷилӣ бунёд мегардад
Дар ноҳияи Шаҳритус корҳои созандагиву бунёдкорӣ ба истиқболи 35-солагии Истиқлоли давлатӣ вусъат меёбанд
Дар ноҳияи Айнӣ бинои нави маъмурии кумитаи идораи замин ва корхонаи давлатии фаръии «Бақайдгирии молу мулки ғайриманқул» ифтитоҳ ёфт
ВУСЪАТИ БУНЁДИ ИНШООТИ СОҲАИ МАОРИФ. Дар ноҳияи Данғара биноҳои нави 3 муассисаи таҳсилоти миёнаи умумӣ мавриди истифода қарор дода шуд
Дар арафаи Рӯзи Парчами давлатӣ дар деҳаи Пшихарви ноҳияи Ванҷ бунгоҳи тиббӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд сохтмони 100 бинои баландошёнаи истиқоматӣ идома дорад
ПАНҶСОЛАИ РУШДИ САНОАТ. Дар Хоруғ корхонаҳои истеҳсоли маҳсулоти гӯштӣ, ҳасиб ва коркарди меваи хушк бунёд мешаванд
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Шамсиддини Шоҳин 216 иншоот бунёд ва навсозӣ мешаванд
СОЛҲОИ РУШДИ САНОАТ. Дар шаҳри Хуҷанд корхонаҳои саноатӣ бунёд ва навсозӣ мешаванд
БАХШИДА БА 35-СОЛАГИИ ИСТИҚЛОЛИ ДАВЛАТӢ. Дар Истаравшан Боғи фарҳангию фароғатии ба номи Исмоили Сомонӣ бунёд мегардад