Фестивал-намоишгоҳи нуҳуми автомобилҳои коллексионии «Авто-ретро Душанбе» баргузор мегардад

Июнь 6, 2021 09:01

ДУШАНБЕ, 06.06.2021 /АМИТ «Ховар»/. 26 июни соли  равон дар майдони «800 солагии Москав»-и назди Муассисаи давлатии «Театри опера ва балети ба номи Садриддин Айнӣ»-и пойтахт   Фестивал-намоишгоҳи нуҳуми автомобилҳои коллексионии «Авто — ретро Душанбе» баргузор мегардад. Фестивал аз соати 16:00  то соати  22:00  идома ёфта,  дар он мошинҳои қадимии истеҳсоли Иттиҳоди Шӯравӣ, Аврупо ва Амрико ба тамошо гузошта мешаванд. Дар ин бора қарори Раиси шаҳри Душанбе Рустами Эмомалӣ ба имзо расид.

Тавре  аз мақомоти иҷроияи ҳокимияти давлатии шаҳри Душанбе ба АМИТ «Ховар» хабар доданд, Раиси шаҳр  Рустами Эмомалӣ масъулинро баҳри дар сатҳи зарурӣ доир намудани Фестивали мазкур вазифадор намуда, дастур додааст, ки дар ин самт тадбирҳои зарурӣ андешанд.

Фестивал –намоишгоҳ ба Солҳои рушди деҳот, сайёҳӣ ва ҳунарҳои мардумӣ бахшида шуда, бо мақсади дастгирии ташаббуси ҷомеаи шаҳрвандӣ роҳандозӣ мегардад. Намоишгоҳи мазкур аз ҷониби Мақомоти иҷроияи ҳокимияти давлатии шаҳри Душанбе ва Иттиҳодияи ҷамъиятии «Клуби дӯстдорони мошинҳои нодиру эксклюзивӣ ва мототсиклҳо» дар ҳамкорӣ бо вазорату идораҳои дахлдор баргузор мегардад.

Мавриди зикр аст, ки дар Ғарб чунин намоишгоҳҳо-фестивалҳоро «олдтаймер-галлерея» меноманд. «Oldtimer» калимаи англисӣ буда, «қадима, мошини нодир» тарҷума мешавад ва одатан мошинҳоеро, ки беш аз 30 сол пеш истеҳсол шудаанд, ифода мекунад.

Ёдовар мешавем, ки Фестивал-намоишгоҳи ҳаштуми автомобилҳои коллексионии «Авто-ретро Душанбе» 14 сентябри соли 2019  дар шаҳри Душанбе баргузор гардида, иштирокдорони  он ретро-мошинҳои нодир ва маъруфи  тамғаҳои «Победа», «Москвич», «Волга», «Запарожетс», «Лада», «Volkswagen», «Ford», «Chevrolet» «Pontiac» ва албатта, «Mercedes-Benz», ки дар Ғарб рамзи асосии ҳаракати дӯстдорони олдтаймерҳо маҳсуб мешавад, тамошо карда, ҳаловат бурданд. Мавриди ёдоварист, ки нахустин фестивал –намоишгоҳи автомобилҳои коллексионии «Авто ретро Душанбе» 21 апрели соли  2013  дар  Рӯзи пойтахти Ҷумҳурии Тоҷикистон   — шаҳри Душанбе   дар  майдончаи назди роҳи ҳалқавии буриши кӯчаи Карамов ва хиёбони Ҳ.Шерозии пойтахт  баргузор гардида буд. Паради автомобилҳои коллексионӣ аз кӯчаи Карамов ба самти хиёбони Рӯдакӣ, кӯчаҳои С.Айнӣ ва А. Дониши  пойтахт  гузашта буд.

Аксҳо аз бойгонии АМИТ «Ховар» ва манбаъҳои боз

Июнь 6, 2021 09:01

Хабарҳои дигари ин бахш

Раиси шаҳри Душанбе Рустами Эмомалӣ бо Раиси шаҳри Кобул Муҳаммад Довуд Султонзуй мулоқот намуданд
Дар ноҳияи Синои пойтахт «Маркази тавонбахшии маъюбон» ба фаъолият оғоз кард
Дар Душанбе даври шаҳрии Фестивали «Атласу адрас» баргузор гардид
Дар Душанбе бахшида ба Рӯзи ҷаҳонии ҳифзи муҳити зист марафони велосипедронӣ доир мегардад
Дар «Боғи кӯдакон»-и шаҳри Душанбе барномаи бошукӯҳи фарҳангӣ таҳти унвони «Кӯдакон ояндаи моянд» баргузор гардид
Душанбе ба таҷлили бошукӯҳи Рӯзи байналмилалии ҳифзи кӯдакон омодагӣ мегирад
Рустами Эмомалӣ ба масъулин баҳри ташкили истироҳати бофароғати хонандагони шаҳри Душанбе супориш доданд
«ҶОВИДОН БОД ҶАВОНӢ ВА ҶАВОНОН». Таҳти ин унвон дар Душанбе шоми фарҳангии ҷавонон гузаронида шуд
Дар Душанбе гулгашти атрофи муҷассамаи устод Садриддин Айнӣ баъди таъмиру навсозӣ мавриди истифода қарор дода шуд
Дар Душанбе масъалаи амалишавии нақшаи «Шаҳри сабз» -ро баррасӣ карданд
Раиси шаҳри Душанбе Рустами Эмомалӣ ба оилаҳои бар асари офатҳои табиӣ зарардидаи минтақаи Кӯлоб кумак намуданд
ФАРҲАНГИ ЭКОЛОГИИ СОКИНОНИ ПОЙТАХТРО БАЛАНД МЕБАРДОРЕМ. Дар ҳалқароҳи Душанбе монитори таблиғотӣ насб шуд