«МЕВА ВА САБЗАВОТ — ҒИЗОИ АСОСИИ ШУМО». Таҳти чунин унвон ҳамоиши иттилоотию фарҳангӣ доир гардид

Июнь 12, 2021 09:33

ДУШАНБЕ, 12.06.2021 /АМИТ «Ховар»/. Бахшида ба эълон гардидани соли 2021 Соли байналмилалии меваю сабзавот ва тарғиби тарзи ҳаёти солим ва интихоби ғизои солим дар ноҳия Вахши вилояти Хатлон  таҳти шиори «Мева ва сабзавот — ғизои асосии Шумо» ҳамоиши  иттилоотию фарҳангӣ доир гардид.

Ҳамоиши мазкур бо ташаббуси мақомоти иҷроияи ҳокимияти давлатии ноҳияи Вахш, Барномаи Озуқавории Ҷаҳонии СММ, Созмони озуқаворӣ ва кишоварзии СММ ва Пажўҳишгоҳи ғизои соҳавии Федератсияи Россия доир шуда, дар он доираи васеи аҳолӣ ва хонандагони муассисаи таҳсилоти миёнаи умумии № 15-и ноҳия иштирок намуданд.

Тавре аз Барномаи Озуқавории Ҷаҳонии СММ ба АМИТ «Ховар» иттилоъ доданд, зимни ҳамоиши иттилоотию фарҳангӣ миёни хонандагон озмуни расмкашӣ баргузор шуда, ғолибон бо туҳфаҳои хотиравӣ қадрдонӣ шуданд. Инчунин аз рӯи маҷмўаи дастурҳои ғизои мактабӣ ҳунармандон бо истифода аз мева ва сабзавот хӯришҳои гуногун ва афшура  омода намуданд, ки барои ташаккули фарҳанги истифодаи ғизои мактаббачагон мусоидат менамояд. Зеро ҳифзи сиҳатии кӯдакон яке аз масъалаҳои афзалиятноки Ҳукумати Ҷумҳурии Тоҷикистон ба шумор рафта, ғизои мактабӣ ҳамчун воситаи самаранок барои баланд бардоштани давомот дар мактабҳои ибтидоӣ эътироф шудааст.

Ёдовар мешавем, ки бо ташаббуси Барномаи умумиҷаҳонии озуқавории Созмони Милали Муттаҳид (WFP) ва дастгирии техникии Пажўҳишгоҳи ғизои соҳавии Федератсияи Россия дар 2000 мактаб қарию 500 ҳазор мактаббачагон бо маҳсулоти ғизоӣ, аз ҷумла орд, равған, намак ва лӯбиёгиҳо барои омода намудани ғизои гарм ва солим таъмин карда шудаанд. Ин иқдом аз соли 1999 бо дастгирии Барномаи озуқаи ҷаҳонӣ идома дошта, ба ҳисоби миёна 45,5%-и хонандагони синфҳои ибтидоии мамлакат бо ин маводи ғизоӣ мунтазам таъмин гардида истодаанд.

Инчунин бо дастгирии Ҳукумати Федератсияи Россия барои татбиқи лоиҳаи «Рушди системаи ғизои мактабӣ дар Ҷумҳурии Тоҷикистон барои солҳои 2021-2023» маблағи 21,2 миллион доллари амрикоӣ ҷудо гардидааст. Ҳамзамон «Нақшаи амал оид ба татбиқ намудани лоиҳаҳои таҷрибавии рушди ғизои мактабӣ дар Ҷумҳурии Тоҷикистон» дар 50 мактаби вилояти Хатлон ва водии Рашт татбиқ гардида, инфрасохтор ва заминаи моддӣ-техникии ошхонаҳои мактабӣ беҳтар шудааст.

Боиси зикр аст, ки ғизо дар инкишофи ҷисму зеҳни хонандагон аҳамияти хосса дошта, барои ташаккули зеҳнии онҳо солҳои охир дар саҳни мактабҳо гармхонаҳо бунёд гардида хонандагон бо меваю сабзавоти тару тоза таъмин мегарданд.

Июнь 12, 2021 09:33

Хабарҳои дигари ин бахш

ОБУ ҲАВО: Имрӯз дар Тоҷикистон ҳаво камабр ва тағйирёбанда мешавад
ОБУ ҲАВО: Имрӯз дар Тоҷикистон ҳаво камабри тағйирёбанда мешавад
Дар Вазорати меҳнат, муҳоҷират ва шуғли аҳолии Тоҷикистон 18 лоиҳаи санадҳои меъёрии ҳуқуқӣ таҳия гардиданд
Воридоти сармояи хориҷӣ ба Тоҷикистон нисбат ба ҳамин давраи соли гузашта 99 миллион доллар афзоиш ёфтааст
ОБУ ҲАВО: Имрӯз дар Тоҷикистон ҳаво камабр шуда, чангу ғубор боқӣ мемонад
COVID-19. Дар Тоҷикистон 88 ҳолати нави сирояти коронавирус ба қайд гирифта шуд
Дар Тоҷикистон барои табобати COVID-19 12 ҳазор табиб ва 36 ҳазор ҳамшираи шафқат ҷалб гардидаанд
Корхонаҳои коммуналии шаҳру ноҳияҳои Тоҷикистон ба маблағи беш аз 20 млн сомонӣ корҳои ободонию сабзазоркуниро анҷом доданд
ОБУ ҲАВО: Имрӯз дар Тоҷикистон ҳаво камабр ва тағйирёбанда шуда, чангу ғубор ба амал меояд
Бо дастгирии мудирияти НБО «Роғун» 27 нафар тарбиятгирандагони Хонаи бачаҳо ба истироҳати тобистона фаро гирифта шуданд
ОБУ ҲАВО: Имрӯз дар Тоҷикистон ҳаво бебориш шуда, чангу ғубор ба амал меояд
Аз 23 июл басти сеюми истироҳати тобистонаи хонандагони пойтахт оғоз гардид

Маводҳои таҳлилӣ