Намояндагони вилояти Суғд ба вилояти Тошканди Ҷумҳурии Ӯзбекистон сафар карданд
ДУШАНБЕ, 28.06.2021 /АМИТ «Ховар»/. Бо дастури Пешвои миллат муҳтарам Эмомалӣ Раҳмон таҳти роҳбарии Раиси вилояти Суғд Раҷаббой Аҳмадзода ҳайати расмии вилоят ҷиҳати таҳкими муносибатҳои дӯстона, шиносоӣ бо дастовардҳои иқтисодии вилояти Тошканд ва мубодилаи таҷрибаҳои ҳамдигар ба вилояти Тошканди Ҷумҳурии Ӯзбекистон сафар намуд, хабар медиҳад АМИТ «Ховар» бо истинод ба Хадамоти матбуоти Раиси вилоят.
Дар ин сафар роҳбари вилоятро раисони шаҳру ноҳияҳои Хуҷанд, Гулистон, Бобоҷон Ғафуров, Зафаробод, Спитамен ва корхонаҳои саноативу идораҳои кишоварзӣ ҳамроҳӣ намуданд.
Дар рӯзи аввали сафар Раиси вилояти Суғд Раҷаббой Аҳмадзода ва ҳамроҳонаш бо вазъи соҳаи кишоварзӣ ва татбиқи таҷрибаҳои пешқадам, инчунин истифодаи технологияҳои муосир шинос гардиданд.
Ҳайат, аз ҷумла аз боғҳои интенсивӣ, токзор, гармхонаҳои инноватсионӣ, коркарди маҳсулоти кишоварзӣ ва чорводорӣ дидан кард.
Дар рӯзи дуюм намояндагони вилояти Суғд бо фаъолияти як қатор корхонаҳои саноатии вилояти Тошканд шинос гардиданд ва ҷонибҳо барои мубодилаи таҷрибаҳо ҳавасмандии худро изҳор доштанд.
Раҷаббой Аҳмадзода дар доираи сафар ҳамчунин бо муовини Сарвазири Ҷумҳурии Ӯзбекистон Сардор Умурзоқов мулоқот анҷом дод.
Зимни суҳбат ҷонибҳо аз тавсеаи муносибатҳои дӯстонаи миёни миллатҳо изҳори қаноатмандӣ карда, таъкид доштанд, ки бо сиёсати пешгирифтаи роҳбарони давлатҳои Тоҷикистон ва Ӯзбекистон- Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев равобити миёни ду кишвар дар беҳтарин сатҳ қарор гирифта, халқҳои тоҷику ӯзбек аз сиёсати созанда истиқболи гарм карданд.
Зикр гардид, ки густариши робитаҳои иқтисодӣ ва фарҳангӣ миёни вилоятҳои ду кишвар ба манфиати ҷонибҳо буда, то ба 1 миллиард расонидани доду гирифти молу маҳсулот дар назар дошта шудааст.
Раиси вилояти Суғд барои истиқболи гарму саминона изҳори сипос намуда, зикр кард, ки вилояти Суғд дорои имкониятҳои фаровон буда, ҳавасманди тақвияти ҳамкорӣ аст.
Раиси вилояти Суғд Раҷаббой Аҳмадзода ҳамзамон бо Вазири кишоварзии Ҷумҳурии Ӯзбекистон Ҷамшед Хоҷаев ва Ҳокими вилояти Тошканд Даврон Ҳидоятов низ мулоқот анҷом дода, баҳри ба роҳ мондани ҳамкории мутақобилан судманд изҳори омодагӣ кард.
АКСҲО: Хадамоти матбуоти Раиси вилояти Суғд
Ҳайати Тоҷикистон дар Форуми байналмилалии сатҳи баланд оид ба сиёсати сайёҳӣ иштирок намуд
Тавассути нақлиёти автомобилӣ қариб 24,5 миллион тонна бор ва 232,6 миллион нафар мусофир интиқол дода шуд
Дар Душанбе вохӯрии минтақавии ниҳодҳои пешбарандаи содироти мамлакатҳои Осиёи Марказӣ баргузор шуд
Ҳайати Тоҷикистон бо раиси Бонки миллии Швейтсария роҳҳои тақвияти ҳамкориро баррасӣ намуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
