Ҷадвали мусобиқоти варзишгарони тоҷик дар Бозиҳои олимпии Токио-2020 муайян шуд

Июль 16, 2021 12:10

ДУШАНБЕ, 16.07.2021 /АМИТ «Ховар»/. То оғози Бозиҳои олимпии Токио-2020 7 рӯз монд. Иштирокчиёни бозиҳо аз тамоми давлатҳо вориди Япония мешаванд. Дар ин бора  шореҳи варзиши ТВ «Варзиш» Каримхон Бекматов  ба  хабарнигори АМИТ «Ховар» Меҳрони Қурбон хабар дод.

Тавре маълум шуд, Бозиҳои олимпии Токио зери чораҳои шадид ҷиҳати пешгирии сироятёбӣ ба бемории сироятии COVID-19 мегузаранд. Кумитаи тадорукоти бозиҳо аз 1 июл бақайдгирии гирифторони коронавирусро шурӯъ карда, то имрӯз 30 ҳолати гирифторӣ ба COVID-19-ро қайд кардааст. Аз ҷумла, пас аз ворид шудан ба Токио натиҷаҳои ташхиси ду варзишгар аз Уганда, якварзишгарӣ аз Исроил ва Сербия мусбат баромадааст. Дигар беморон кормандон ва масъулони японии вобаста ба Бозиҳои олимпии Токио ҳастанд.

Ҳайати беш аз 23-нафараи Ҷумҳурии Тоҷикистон, аз ҷумла 10 варзишгар субҳи 19 июл тавассути Истанбул ба Токио сафарбар мегардад. Гулсумбӣ Шарифова бинобар осеб дидани пояш дар Бозиҳои олимпии Токио-2020 ширкат намекунад.

Маросими кушодашавии аввалин Бозиҳои олимпии батаъхирафтода 23 июл баргузор мешавад. Варзишгари шинохтаи тоҷик  Темур Раҳимов парчамбардори ҳайати  дастаи мунтахаби олимпии Тоҷикистон аст. Варзишгарони мо сабқатро аз 24 июл оғоз мекунанд. Дар ин рӯз Сиёвуш Зуҳуров дар намуди бокс, вазни +91кг ба ринг мебарояд. Рақобатҳои ин вазн дар қисмати бегоҳӣ ба нақша гирифта шудаанд – аз соати 17:00 то 20:30 бо вақти Токио (13:00 то 16:30 ба вақти Душанбе). 25 июл шоҳиди ҳунари ду муштзани дигарамон – Баҳодур Усмонов (-63кг) ва Шаббос Негматуллоев (-81кг) хоҳем буд. 26 июл Сомон Маҳмадбеков дар вазни -73кг-и мусобиқаи дзюдо гӯштин мегирад. Рақобатҳои муқаддамотӣ аз соати 07:00 то 10:30 ва финал аз 13:00 то 15:40 ба вақти Душанбе доир мегарданд.

27 июл қувваозмоиҳои вазни -81кг-и дзюдо сурат мегиранд, ки варзишгари мо Акмал Муродов рӯи татамӣ мебарояд. 28 июл Комроншоҳ Устопириён дар вазни -90кг ба рақобат мепардозад. Ҳамчунин мусобиқаи даври 1/8-финали бокс дар вазни -81кг доир мегардад. 29 июл — идомаи мусобиқаи бокс, даври 1/8-финали вазни +91кг. 30 июл дар намуди  дзюдо  Темур Раҳимов дар вазни +100кг гӯштин мегирад. Дар ин рӯз қувваозмоии вазни -81кг-и бокс дар даври 1/4-финал баргузор мешавад.

Ҳамчунин шиноваронамон Анастасия Тюрина ва Олимҷон Ишанов дар масофаи 50 метр, тарзи озод сабқат мекунанд. 31 июл сабқати варзиши сабук дар масофаи 100 метр сурат мегирад, ки варзишгарои мо Илдар Аҳмадиев баромад мекунад. Ҳамчунин сабқати даври 1/8-финали бокс дар вазни -63кг ва мусобиқаи нимфинали шиноварӣ дар масофаи 50 метр, тарзи озод доир мешавад. 1 август нимфинал ва финали мусобиқаи варзиши сабук дар масофаи 100 метр миёни мардҳо, дар намуди бокс сабқати даври нимфинали вазни -81кг ва ¼-финали вазни +91кг, дар шиноварӣ сабқати финал дар масофаи 50 метр, тарзи озод дар назар дошта шудааст. 3 август даври ¼-финали мусобиқаи бокс дар вазни -63кг, 4-уми август нимфинали вазни +91кг ва финали вазни -81кг ба нақша гирифта шудааст. 6 август муҳорибаҳои даври нимфинали вазни -63кг-и бокс, 8 август муҳорибаҳои финали вазнҳои -63кг ва +91кг доир хоҳанд шуд.

Мавриди зикр  аст, ки аз миёни 10 варзишгарамон 7 нафар бори аввал дар Бозиҳои олимпӣ иштирок мекунанд. Комроншоҳ Устопириён, Анастасия Тюрина ва Олимҷон Ишанов дар Бозиҳои олимпии Рио-де-Жанейро-2016 ширкат карда буданд.

 

Июль 16, 2021 12:10

Хабарҳои дигари ин бахш

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд
Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд
ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд
БОЗИҲОИ 2-ЮМИ ЗИМИСТОНАИ «БАЧАҲОИ ОСИЁ». Дилшод Назаров ва Владимир Максимов иштироки ҳайати Тоҷикистонро баррасӣ намуданд
Ҳайати Тоҷикистон дар ҷаласаи Ассамблеяи 41-уми генералии Шӯрои олимпии Осиё дар Камбоҷа иштирок намуд
Имрўз дар Тошканд Чемпионати ҷаҳон оид ба гӯштини дзюдо оғоз мешавад
ҶОМИ ОСИЁ-2023 ОИД БА ФУТБОЛ. Тоҷикистон дар аввалин бозӣ бар дастаи мунтахаби наврасони Муғулистон ғолиб омад
ҶОМИ ОСИЁ ОИД БА ФУТЗАЛ. Тоҷикистон бо ду ғалаба ва ду бохт бозиҳои Ҷоми Осиё-2022-ро анҷом дод
Дар Кӯлоб Мусобиқаи кушоди ҷумҳуриявӣ оид ба бокс доир шуд
Бо гузашти 15 сол дастаи мунтахаби футзали Тоҷикистон ба даври чорякниҳоии Ҷоми Осиё баромад
Ҳафтаи оянда дар Душанбе марҳилаи интихобии Ҷоми Осиё-2023 миёни дастаҳои наврасони то 17-сола доир мешавад
Мизбони Ҷоми Осиё-2024 оид ба футбол миёни дастаҳои олимпӣ эълон шуд

Хабарҳои муҳимтарин