Дар Ҷамоати деҳоти «Қалъачаи калон»-и шаҳри Истаравшан аксияи «Шомгоҳи тозагӣ» доир шуд

Июль 19, 2021 11:42

ДУШАНБЕ, 19.07.2021 /АМИТ «Ховар»/. Дар Ҷамоати деҳоти  «Қалъачаи калон»-и шаҳри Истаравшан аксияи «Шомгоҳи тозагӣ» баргузор гаридид.  Хурду калони деҳоти мазкур  ба ҳашар баромада, ҷуйбору роҳҳои пиёдагард ва атрофи хонаҳои зистро  аз партов, дарахтон ва гулу буттаҳои ороиширо  аз шохаҳои хушкида тоза намуданд. Сокинони ин ҷамоат мисли дигар тоҷикистониён азм доранд, ки ҷашни 30-солагии Истиқлоли давлатии Ҷумҳурии Тоҷикистонро бо шукӯҳи хосса таҷлил намоянд.

Тавре аз Хадамоти матбуоти Раиси  шаҳри Истаравшан  ба АМИТ «Ховар» иттилоъ доданд,   то ҷашни 30-солагии Истиқлоли давлатӣ ҳамарӯза дар шаҳри Истаравшан аксияи «Шомгоҳи тозагӣ» доир карда мешавад.  Дар доираи тадбири мазкур бо истифода аз имкониятҳои мавҷуда ташкилоту муассисаҳо новобаста аз шакли фаъолият, ҷамоатҳои деҳот, деҳаҳо, кумитаи маҳаллаҳо, гузарҳо, масҷидҳо бо назардошти таъмини лавозимоти зарурӣ, ҳар бегоҳ  аз соати 18:00 то 20:00 бо риояи ҳатмии қоидаҳои беҳдошт ҳашарҳои дастаҷамъонаи тозагии муҳити зистро баргузор намоянд.

Иқдоми мазкур аз ҷониби Раиси шаҳри Истаравшан Адҳам Маъмурзода пешниҳод шуда, мақсад аз он тозаву озода нигоҳ доштани муҳити зист ва тарбияи насли наврас дар рӯҳияи зебоипарасатӣ мебошад.

Аз ҷумла,  дар муроҷиатномаи Адҳам Маъмурзода омадааст, ки ҳамчун раиси шаҳр ва фарзанди ҳамин диёр ба Шумо муроҷиат намуда, даъват менамоям, ки ба муносибати таҷлили ҷашни 30-солагии Истиқлоли давлатии Ҷумҳурии Тоҷикистон шурӯъ аз остонаи хонаводаи хеш, кӯча, маҳалла, гузар, деҳа ва дар маҷмӯъ шаҳри азизамон – Истаравшани бостониро дастаҷамъона обод созем, тозагии мавзеъҳо, ҷуйборҳо, чашмаҳо, кӯчаву хиёбонҳо ва қабристонҳоро таъмин намоем».

«Бо назардошти он, ки аксари сокинони шаҳр соҳибкору тоҷир ҳастанд ва ҳамарӯза аз саҳар машғули корҳои худ мебошанд, пешниҳод менамоям, ки дар ҳудуди шаҳри Истаравшан то ҷашни 30-солагии Истиқлоли давлатӣ ҳамарӯза аксияи «Шомгоҳи тозагӣ» эълон карда шавад. Бовар дорам, ки мардуми сарбаланди шаҳри Истаравашан иқдоми мазкурро ҷонибдорӣ карда, барои тозагии шаҳри худ ва муҳимтар аз ҳама, барои пешгирӣ аз паҳншавии бемории пандемияи СOVID-19 саҳмгузор мегарданд»,- омадааст дар муроҷиатнома.

Июль 19, 2021 11:42

Хабарҳои дигари ин бахш

Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон ҳаво то 40 дараҷа гарм мешавад
Дар лагерҳои «Шабдез» ва «Саодат»-и Вилояти Мухтори Кӯҳистони Бадахшон 230 нафар хонандагон ба истироҳат фаро гирифта шуданд
ИСТИФОДАИ САМАРАНОКИ ЗАМИН. Сокинони биноҳои баландошёнаи шаҳри Норак дар ин самт намунаи ибратанд
Дар Истаравшан корҳои омодагӣ ба соли хониши 2025-2026 вусъат меёбанд
Дар шаҳри Норак 5215 нафар кӯдакону наврасон ба истироҳатгоҳҳо ҷалб карда мешаванд
Дар Китобхонаи миллӣ барои шахсони имконияташон маҳдуд «Гӯшаи китобҳои гӯё» ташкил гардид
Имрӯз ҳаво дар Душанбе то 41 дараҷа гарм мешавад
Ғолибони Озмуни ҷумҳуриявии «Геологҳои ҷавон» муайян гардиданд
«МегаФон Life»: ҳама имкониятҳои қулай дар зери даст!