Дар Донишкадаи давлатии забонҳои Тоҷикистон 524 нафар шаҳрвандони хориҷӣ таҳсил мекунанд

Июль 21, 2021 17:12

ДУШАНБЕ, 21.07.2021 /АМИТ «Ховар»/. Имрӯз зимни нишасти матбуотӣ ректори Донишкадаи давлатии забонҳои Тоҷикистон ба номи Сотим Улуғзода Ҷило Гулназарзода ба намояндагони воситаҳои ахбори омма иттилоъ дод, ки дар донишкаи мазкур 524 нафар шаҳрвандони хориҷӣ таҳсил мекунанд. Аз ин шумора 381 нафар аз Ҷумҳурии Ӯзбекистон, 133 нафар аз Туркманистон, 4 нафар аз Афғонистон, 3 нафар аз Қирғизистон ва 3 нафар аз Федератсияи Россия мебошанд.

Мавсуф зикр дошт, ки имсол Донишкадаи давлатии забонҳои Тоҷикистонро 1052 нафар, аз ҷумла 643 нафар (15 нафар бо дипломи аъло) шуъбаи рӯзона, 351 нафар шуъбаи фосилавӣ (2 нафар бо дипломи аъло) ва зинаи магистратураро 58 нафар (4 нафари он бо дипломи аъло) хатм карданд.

«Соли равон 135 нафар хатмкунандагони ихтисосҳои омӯзгорӣ бо роҳхати Вазорати маориф ва илми Ҷумҳурии Тоҷикистон ба ҷойи кор сафарбар карда шуданд, ки аз инҳо 45 нафар тариқи квота таҳсил намудаанд»,-иброз намуд Ҷило Гулназарзода.

Вазири маориф ва илми Ҷумҳурии Тоҷикистон Муҳаммадюсуф Имомзода зимни нишасти матбуотӣ оид ба ҷамъбасти шашмоҳаи аввали соли равон иброз намуда буд, ки «эҳтиёҷ ба кадрҳои омӯзгорӣ дар муассисаҳои таҳсилоти умумӣ барои соли таҳсили 2021-2022 барои 2166 нафар пешниҳод гардидааст, ки аз инҳо ниёз ба омӯзгорони забони англисӣ ва русӣ бештар мебошад».

Ҷило Гулназарзода вобаста ба ин масъала иброз дошт, ки дар донишкаи мазкур яке аз факултетҳои серталабтарин- ин факултети англисӣ мебошад. Дар факултети филологияи рус низ барои омода намудани мутахассисони забони русӣ тамоми талошҳо ба роҳ монда шудаанд. Нақшаи қабули омӯзгорони забондонро дар донишкада Вазорати маориф ва илми мамлакат  муайян менамояд.

Июль 21, 2021 17:12

Хабарҳои дигари ин бахш

ФАРҲАНГ- САРМОЯИ ҲАСТИИ МИЛЛАТ. Лабчанг сози мусиқие аст, ки навои дилнишини миллӣ дорад
Дар Намоишгоҳи байналмилалии ЭКСПО-2025 дар шаҳри Осакаи Ҷопон гӯшаи Тоҷикистон таъсис меёбад
РӮЗИ ҚУВВАҲОИ МУСАЛЛАҲИ ТОҶИКИСТОН. Ба ин муносибат Озмуни ҷумҳуриявии «Суруди сарбоз» ҷамъбаст мегардад
Бозингарони дастаи мунтахаби занонаи футзали Эрон дар Осорхонаи миллӣ бо таъриху тамаддуни тоҷикон шинос шуданд
«ТО ТАВОНӢ ДӮСТОНРО ГУМ МАКУН». Ҳайати Тоҷикистон дар ҳамоиши илмию амалӣ дар шаҳри Самарқанд иштирок намуд
ИМРӮЗ — РӮЗИ БАЙНАЛМИЛАЛИИ ҲАДЯИ КИТОБ. Тақдими китоб яке аз ташаббусҳои неки Президенти Тоҷикистон мебошад
Дар Тоҷикистон 1160-солагии файласуф ва олими маъруфи тоҷик Абубакри Розӣ таҷлил карда мешавад
Дар ноҳияи Вахш даври шаҳрии Фестивали ҷумҳуриявии «Сад ранги чакан» баргузор гардид
Моҳи сентябр дар Тоҷикистон 700-солагии Ҳофизи Шерозӣ ҷашн гирифта мешавад
«САД РАНГИ ЧАКАН». Дар Душанбе фестивал ва намоиш- фурӯши маҳсулоти чакандӯзию гулдӯзӣ доир мегардад
Дар Душанбе дар мавзуи аҳамияти синошиносӣ ва муаррифии осори Абӯалӣ ибни Сино ҳамоиш баргузор шуд
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад

Маводҳои таҳлилӣ