Дар Хоруғ бахшида ба 30-солагии Истиқлоли давлатӣ мусобиқа оид ба футболи хурд гузаронида шуд
ХОРУҒ, 28.07.2021 /АМИТ «Ховар»/. Бо ибтикори Раёсати кор бо ҷавонон ва варзиши Вилояти Мухтори Кӯҳистони Бадахшон дар шаҳри Хоруғ бахшида ба 30-солагии Истиқлоли давлатии Ҷумҳурии Тоҷикистон миёни футболбозони собиқадор мусобиқа аз намуди футболи хурд баргузор гардид, ки дар он 10 даста аз маҳаллаҳои шаҳр ширкат намуданд.
Тавре мухбири минтақавии АМИТ «Ховар» иттилоъ медиҳад, ҳамаи ин футболбозон қаблан дар дастаҳои гуногуни шаҳр бозӣ карда, борҳо дар мусобиқаҳои вилоятию ҷумҳурӣ ширкат намудаанд.
Ба гуфтаи сардори Раёсати кор бо ҷавонон ва варзиши вилоят Сураҷ Чоршанбиев, “Федератсияи футболи вилоят бо ирсоли як нома аз мо хоҳиш намуд, ки барои баргузории мусобиқа байни собиқадорон мусоидат карда шавад. Дар мувофиқа бо мақомоти иҷроияи ҳокимияти давлатии шаҳр яке аз майдончаҳои навбунёд дар ихтиёрашон гузошта шуд ва онҳо барои ба даст овардани Ҷоми Федератсияи футболи вилоят давоми як моҳ рақобат намуданд. Ба бозии ниҳоӣ дастаҳои маҳаллаҳои Тем ва Гулакен роҳхат гирифта, ҳарду даста дар ҳузури садҳо нафар мухлисон ҳунару маҳорати худро намоиш доданд. Ин бозӣ бо бартарии дастаи Гулакен бо ҳисоби ду бар сифр ба анҷом расид”.
Раиси Федератсияи футболи вилоят Аноятшо Аноятшоев гуфт, ки “дар рушди футболи хурд ва калон саҳми Федератсияи футболи Тоҷикистон ва шахсан раиси он Рустами Эмомалӣ басо назаррас аст. Танҳо давоми панҷ соли охир дар 12 маҳаллаи шаҳри Хоруғ майдончаҳои футбол бунёд шуда, барои футболбозони наврас либосҳои варзишӣ, тӯбу тӯрҳои футбол дастрас гардиданд. Ҳоло дар маҳаллаи Беморхонаи вилоятӣ сохтмони толори муосири варзишӣ идома дошта, то охири сол мавриди баҳрабардорӣ қарор мегирад”.
Ғолибони мусобиқа бо медал, ифтихорномаи Федератсияи футболи вилоят ва туҳфаҳои хотиравӣ сарфароз гардиданд.
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дар Панҷакент иншооти иҷтимоӣ ва хизматрасонӣ ифтитоҳ гардиданд
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
