Дар Норак аз тарафи соҳибкорони маҳаллӣ 3 коргоҳи истеҳсолӣ ба истифода дода шуданд

Июль 22, 2021 15:21

НОРАК, 22.07.2021. /АМИТ «Ховар»/.  Дар шаш моҳи соли равон дар  шаҳри Норак аз тарафи соҳибкорони маҳаллӣ 3 адад коргоҳи истеҳсолӣ, аз қабили тайёр намудани дарвозаҳои оҳанин, коргоҳи истеҳсоли орд ва фермаи парандапарварӣ мавриди баҳрабардорӣ қарор дода шуданд, ки дар онҳо 12 нафар бо ҷойи кори доимӣ таъмин гардиданд. Ҳамчунин  давоми соли 2021 аз тарафи соҳибкорони шаҳр 4 адад корхонаю коргоҳҳои истеҳсоли қуму шағал, шпатлёвка, ротбанд, рангҳои гуногун, гипсокартон, семент ва хишти пухта ба нақша гирифта шудааст. Дар ин бора зимни нишасти матбуотӣ дар шаҳри Норак иттилоъ дода шуд.

Зимни нишасти матбуотӣ ба саволи хабарнигори АМИТ «Ховар» Субҳониддини Маҳмуд ҷиҳати барқарор намудани 5 адад муассисаҳои томактабии кӯҳнаю бекорхобидаи шаҳр ва ҷалби зиёда аз 460 нафар кӯдакони дар навбат истода ба кӯдакистонҳо раиси шаҳри Норак Дилшод Асозода  посух дод, ки «тибқи нақшаи таҳияшуда  то охири сол кӯдакистони маҳаллаи Тутқавули Ҷамоати деҳоти Пули Сангин  барои 150 нафар кӯдак ба истифода дода мешавад. Барқарор намудани  кӯдакистони рақами 1 дар маҳаллаи Лангар ба нақша гирифта шудааст ва дар сурати пайдо гардидани имконияти молиявӣ давра ба давра кӯдакистонҳои боқимондаи бекорхобидаро пурра барқарор намуда, мушкили нарасидани муассисаҳои томактабиро бартараф месозем».

Июль 22, 2021 15:21

Хабарҳои дигари ин бахш

Донишгоҳи техникии Тоҷикистон дар татбиқи ҳадафҳои стратегии мамлакат нақши калидӣ дорад
ОБУ ҲАВО: Имрӯз дар шаҳри Душанбе борони кӯтоҳмуддат меборад
Аз ҷониби Кумитаи давлатии идораи замин ва геодезӣ 6686 ҳолати вайронкунии қонунгузории замин ошкор шуд
Дар Тоҷикистон 347 адад ассотсиатсияҳои истифодабарандагони об ба 51 фоизи заминҳои обёришаванда хизмат мерасонанд
Мактаби №56-и деҳаи Сарваки ноҳияи Ашт навсозӣ мешавад
Варзоб: Дар шаш моҳ беш аз 20 ҳазор нафар сайёҳони хориҷию дохилӣ аз минтақаҳои ноҳия дидан намуданд
ОБУ ҲАВО: Имрӯз дар Тоҷикистон ҳаво камабр ва тағйирёбанда шуда, чангу ғубор ба амал меояд
ТАҚВИМИ АМИТ «ХОВАР»: имрӯз 21 июл, чоршанбе, 202-юмин рӯзи соли 2021 аст
Бонки миллӣ ба бошандагони «Хона-интернати беморони рӯҳии шаҳри Ҳисор» кумак намуд
Дар минтақаи Кӯлоб ба 1779 нафар гурӯҳи маъюбӣ муқаррар карда шуд
Туҳфаи гаронарзиши Пешвои миллат — китоби «Тоҷикон» ба сокинони шаҳри Левакант тақдим гардид
ОБУ ҲАВО: Имрӯз дар Тоҷикистон ҳаво камабр ва тағйирёбанда мешавад

Маводҳои таҳлилӣ