Дар шаҳри Хоруғ корхонаи партовгоҳи сахти маишӣ бунёд мегардад
ХОРУҒ, 16.07.2021 /АМИТ «Ховар»/. Дар километри чоруми самти шимоли шаҳри Хоруғ дар масоҳати 53 ҳазор метри мураббаъ корхонаи партовгоҳи сахти маишӣ бунёд карда мешавад. Сохтмони ин партовгоҳ аввали соли гузашта оғоз ёфта буд, аммо ба иллати хуруҷи бемории Ковид-19 ба таъхир афтод. Аз моҳи апрели имсол корҳои сохтмонӣ дубора шурӯъ шуданд.
Тавре сардори минтақаи сохтмонӣ Мақсуд Мамедов ба мухбири минтақавии АМИТ “Ховар” иттилоъ дод, «партовгоҳи сахти маишӣ дур аз маҳали аҳолинишин, дар домани кӯҳ ҷо гирифтааст. Бинобар ин аввалин коре, ки бинокорон бояд ба анҷом расонанд, ин ҳамворкунии замин, сохтмони роҳи мошингард, ҳавзи об, бунёди даромадгоҳ ва панҷара кашидани атрофи маҳали сохтмон мебошад. Ҳамаи ин корҳо дар чанд рӯзи оянда ба итмом мерасанд ва таҳкурсии бинои маъмурӣ, сарои мошину дигар воситаҳои техникӣ ва васлу насби системаи рӯшноӣ гузошта хоҳад шуд. Мутобиқи нақша, пас аз бунёди бинои маъмурӣ атрофи партовгоҳ пурра сабзу хуррам гардонида мешавад».
Корхонаи партовгоҳи сахти маишӣ мутобиқи лоиҳаи мусоидат ба сулҳу субот тавассути сохтмони инфрасохтори муҳим байни мақомоти иҷроияи ҳокимияти давлатии шаҳри Хоруғ ва Бонки аврупоии таҷдид ва рушд бунёд гардида, бонки мазкур барои татбиқи ин лоиҳа 2 миллиону 37 ҳазор сомонӣ ихтисос додааст.
Ҳоло дар корхонаи партовгоҳи сахти маишии шаҳр корҳои сохтмонӣ бо ҷалби 12 техникаву механизмҳои пуриқтидор ва 38 нафар коргарони маҳаллӣ бо маром идома ёфта, қарор аст моҳи ноябри соли равон ба истифода дода шавад.










Имрӯз дар ноҳияҳои кӯҳии Тоҷикистон ҳаво 16 дараҷа гарм мешавад
Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Дар Суди конститутсионӣ Рӯзи Парчами давлатӣ таҷлил гардид






