ФУТЗАЛ. Дастаи мунтахаби Тоҷикистон ба тамринҳо шурӯъ намуд
ДУШАНБЕ, 16.07.2021 /АМИТ «Ховар»/. Сармураббии дастаи мунтахаби футзали Тоҷикистон Пайрав Воҳидов ҳайати дастаро барои ҷамъомади таълимиву тамринӣ, ки аз 17 то 21 июл дар шаҳри Душанбе баргузор мешавад, эълон кард. Ба ҳайати дастаи мунтахаби футзали Тоҷикистон 14 бозингар — 2 дарвозабон ва 12 бозингари майдон даъват карда шуданд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Ҷамъомади таълимиву тамринии дастаи мунтахаби Тоҷикистон оид ба футзал дар шаҳри Душанбе то 21 июл идома хоҳад кард. Субҳи 22 июл ҳайати дастаи мунтахаби Тоҷикистон барои ширкат дар мусобиқаи байналмилалии «Continental Futsal Championship 2021» ба Бангкок парвоз мекунад. Дар мусобиқа дастаи мунтахаби Тоҷикистон дар гурӯҳи В ҳамроҳ бо дастаҳои мунтахаби Миср (25 июл), Эрон (26 июл) ва Литва (27 июл) бозӣ мекунад. Дар гурӯҳи А дастаҳои мунтахаби Таиланд, Ӯзбакистон, Косово ва Мозамбик рақобат мекунанд. Тибқи дастури мусобиқаи «Continental Futsal Championship 2021», аз рӯи натиҷаҳои марҳилаи гурӯҳӣ ду даста ба даври ниманиҳоӣ роҳ меёбанд. Дастаҳое, ки ба даври ½-ниҳоӣ роҳ ёфта наметавонанд, дар бозиҳои такрорӣ барои ҷойҳои 5-8 бозӣ мекунанд.
Ҳайати дастаи мунтахаби футзали Тоҷикистон барои ҷамъомади таълимиву тамринӣ дар Душанбе:
Дарвозабонҳо: Фирӯз Бекмуродов («Сипар»), Нуриддин Ҷабборов («Соро компания»);
Бозингарон: Некрӯз Алимаҳмадов, Файзалӣ Сардоров, Идрис Ёров, Муҳаммаҷон Шарипов, Муҳаммад Раҷабов, Фаридун Неъматов (ҳама – «Соро компания»), Дилшод Саломов, Рустам Хамидов, Умед Кузиев, Икбор Воситзода (ҳама – «Сипар»), Самандар Ризомов, Бахтиёр Солиев (ҳарду – «Истиқлол»).
Сармураббӣ – Пайрав Воҳидов.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
