Мактаби №56-и деҳаи Сарваки ноҳияи Ашт навсозӣ мешавад

ДУШАНБЕ, 21.07.2021. /АМИТ «Ховар»/. Дар деҳаи Сарваки Ҷамоати  деҳоти Пунуки ноҳияи Ашт  сохтмони бинои нави муассисаи таҳсилоти миёнаи  умумии №56, ки аз 6 синфхона, утоқи кории  омӯзгорон ва  омӯзиши  компютер, инчунин  майдончаи варзишӣ иборат аст, оғоз мегардад.

Тавре аз мақомоти иҷроияи ҳокимияти давлатии ноҳияи Ашт ба АМИТ «Ховар» хабар доданд, корҳои сохтмонии бинои иловагии муассисаи таълимии мазкур аз ҷониби ҶДММ  «Ашти Калон» анҷом дода  мешаванд. Айни ҳол дар мавзеи бунёди  бинои мазкур корҳои  ҳамвор кардани қитъаи замин ҷараён  доранд.

Ёдовар мешавем, ки   мактаби  № 56-и деҳаи Сарвак  солҳои 2003 ба тариқи ҳашар сохта  шуда, дар он  16 нафар омӯзгорон ба 105 нафар хонандагон дарс мегӯянд. Имсол синфи 11- и  мактаби мазкурро  9 нафар хонандагон хатм намуданд, ки  8 нафарашон ҳуҷҷатҳои худро ба Маркази миллии тестии назди Президенти Ҷумҳурии Тоҷикистон супоридаанд.

Деҳаи мазкур  аз 111 хоҷагӣ иборат буда, 625 нафар аҳолиро дар бар мегирад.