Паҳлавони тоҷик Акмал Муродов бо як пирӯзӣ ва як бохт Бозиҳои олимпиро ҷамъбаст намуд

Июль 27, 2021 11:17

ДУШАНБЕ, 27.07.2021 /АМИТ «Ховар»/.  Имрӯз, 27 июл паҳлавони тоҷик Акмал Муродов, ки Ҷумҳурии Тоҷикистонро дар Бозиҳои олимпии Токио-2020 дар вазни то 81кг муаррифӣ мекард, бо як пирӯзӣ ва як бохт ба иштирокаш дар Бозиҳои олимпӣ хотима бахшид. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Акмал Муродов дар даври аввал бар варзишгари кишвари Гуам — Ҷоштер Эндрю бо ду «ваза-ари» зафар ёфта, ба даври дуюм баромад. Вале, мутаассифона, дар даври дуюм Акмал аз намояндаи кишвари Гурҷистон Тато Григалашвили шикаст хӯрда, аз ҳаққи идомаи рақобатҳо маҳрум шуд. Ин нахустин иштироки Акмал Муродов дар Бозиҳои олимпӣ ба шумор меравад.

Бояд тазаккур дод, ки дирӯз дар Бозиҳои олимпии Токио-2020 паҳлавони тоҷик Сомон Маҳмадбеков дар мусобиқа оид ба гӯштини дзюдо дар вазни то 73кг ширкат кард. Сомон дар даври аввал Аҳмад Аликай аз дастаи паноҳандагон ва дар даври дуюм Файе Нҷийе аз Гамбиаро шикаст дода, ба ҳаштякфинал роҳ ёфт, вале дар ин давр аз паҳлавони  Озарбойҷон Рустам Оруҷов бо як вазарӣ мағлуб шуд. Ҳамин тариқ, Бозиҳои олимпии Токио-2020  барои Сомон Маҳмадбеков низ анҷом ёфтанд. Паҳлавонони дигари  тоҷик Комроншоҳ Устопириён пагоҳ дар вазни то 90 кг дар  даври 2 бо  Алекс Клергет  (Фаронса) ва 30 июл Темур Раҳимов дар вазни +100 кг дар даври 1 бо Энди Гранда (Куба) байни ҳам рақобат мекунанд.

Бозиҳои олимпии Токио-2020 аз рӯи 33 намуди варзиш (50 равияи варзишӣ) ҷараён доранд. Дар ҷадвали ҳисоби медалҳо Иёлоти Муттаҳидаи Амрико бо 8 медали тилло, 3 нуқра ва 8 биринҷӣ пешсаф аст. Дастаи  мизбон – Ҷопон бо 8 медали тилло, 2 нуқра, 3 биринҷӣ дар ҷои дуюм мебошад. Дастаи мунтахаби Чин бо 7 медали тилло, 5 нуқра, 7 биринҷӣ, дастаи мунтахаби  олимпии Корея  бо 5 медали тилло, 7 нуқра, 3 биринҷӣ ва дастаи мунтахаби  Британияи Кабир бо 4 медали тилло, 5 нуқра ва 1 биринҷӣ дар панҷгонаи аввал мавқеъ гирифтаанд.

 

АКС аз Федератсияи дзюдои Тоҷикистон

Июль 27, 2021 11:17

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд