Агентии содирот: Нисбат ба шаш моҳи соли гузашта 88,3 фоиз зиёд маҳсулоти ватанӣ содирот гардидааст
ДУШАНБЕ, 02.08.2021 /АМИТ «Ховар»/. Дар шашмоҳаи якуми соли равон ба маблағи 1231,6 миллион доллар маҳсулоти ватанӣ содирот гардидааст, ки нисбат ба ҳамин давраи соли гузашта 577,5 миллион доллар ё 88,3 фоиз зиёд мебошад. Аз рӯйи ҳаҷм содироти маҳсулоти кишоварзӣ 106,4 ҳазор тоннаро ташкил намуда, нисбат ба ҳамин давраи соли гузашта 9,4 ҳазор тонна ё 9,7 фоиз зиёд мебошад.
Дар ин бора директори Агентии содироти назди Ҳукумати Ҷумҳурии Тоҷикистон Шавкат Бобозода 2 август зимни нишасти матбуотии ин ниҳод хабар дод.
Мавсуф зикр намуд, ки Агентии содироти назди Ҳукумати Ҷумҳурии Тоҷикистон ҷиҳати густариши муносибатҳои хориҷӣ бо ҷонибҳои дахлдор, тақвият бахшидани фаъолият дар самти муаррифӣ кардани маҳсулоти ватанӣ, дарёфти бозорҳои содиротӣ, шарикони истеҳсоливу тиҷоратӣ тибқи тартиби муқарраргардида бо якчанд намояндагони ширкатҳои дохиливу хориҷӣ вохӯриҳо ташкил намуда, масъалаҳои тақвият бахшидани фаъолият дар самти содироти маҳсулоти ватанӣ, роҳ ёфтан ба бозорҳои содиротӣ, ташкили марказҳои лигистикиву хариду фурӯши яклухти молҳоро мавриди баррасӣ қарор дод.
Ҳамчунин иттилоъ дода шуд, ки барои баланд бардоштани малакаи соҳибкорон дар самти омода намудани нақшаҳои пешбурди фаъолият ба содироти маҳсулот ва барои ворид шудан ба сатҳи савдои байналмилалӣ масъалаи ташаккули мактаби содиротиро бояд корбарӣ намуд.
Шавкат Бобозода иброз намуд, ки дар ин давра ҳаҷми умумии содироти сабзавот 84,7 ҳазор тонна, меваи хушк 11,9 ҳазор тонна, меваҷот 7,7 ҳазор тонна ва дигар намуди маҳсулоти кишоварзӣ 2,2 ҳазор тоннаро ташкил медиҳад.
АКС: АМИТ «Ховар»
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
