Дар Душанбе семинар-машварат оид ба баҳодиҳии устувории шаҳр ба офатҳо ва коркарди лоиҳаи Стратегияи устувории пойтахт оғоз ёфт

Август 11, 2021 16:51

ДУШАНБЕ, 11.08.2021 /АМИТ «Ховар»/. Имрӯз бо ташаббуси мақомоти иҷроияи ҳокимияти давлатии шаҳри Душанбе дар меҳмонхонаи «Серена» семинар -машварат оид ба баҳодиҳии устувории шаҳри Душанбе ба офатҳо ва коркарди лоиҳаи Стратегияи устувории шаҳр баргузор гардид, ки то 12 август идома меёбад. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Душанбе хабар медиҳад.

Дар чорабинии мазкур роҳбарияту намояндагони дастгоҳи Раиси шаҳри Душанбе, мақомоти иҷроияи ҳокимияти давлатии шаҳри Душанбе, раёсату шуъбаҳо, ташкилотҳои давлатӣ ва корхонаҳои воҳиди давлатӣ иштирок намуданд.

Лозим ба ёдоварист, ки семинари мазкур дар ҳамкорӣ бо дафтари минтақавии аврупоии СММ оид ба коҳиши хатари офатҳои табиӣ (UNDRR) дар Ҷумҳурии Тоҷикистон, ҳамоҳангсозони таъйиншуда-Ситоди ҳолатҳои фавқулода ва мудофиаи граждании шаҳри Душанбе, инчунин КВД “Шаҳри ҳушманд (Smart city)”-и Душанбе дар мувофиқа бо мақомоти иҷроияи ҳокимияти давлатии шаҳри Душанбе ба нақша гирифта шудааст.

Дар оғози чорабинӣ муовини якуми раиси шаҳри Душанбе Амирхон Қурбонзода суханронӣ карда, аз таваҷҷуҳи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ нисбат ба ободу зебо гардонидани пойтахти кишвар ва ташаббусҳои бузурги Пешвои миллат оид ба ҳалли масъалаҳои глобалии тағйирёбии иқлим, обшавии пиряхҳо, коҳиш додани хатарҳои офатҳои табиӣ изҳори миннатдорӣ намуд.

Семинар фарогири ҳалли масъалаҳои глобалии тағйирёбии иқлим ва коҳиш додани хатарҳои офатҳои табиӣ, пешгирии афзоиши офатҳои табиӣ бар асари тағйирёбии босуръати иқлими сайёра ва таъсири инсон ба табиат буда, вобаста ба масъалаҳои болозикр гурӯҳҳои корӣ таъсис дода шудааст.

 

АКСҲО: МИҲД-и шаҳри Душанбе

Август 11, 2021 16:51

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст