Раиси Кумитаи ҳифзи муҳити зист бо Сафири Ҷумҳурии Туркия дар Ҷумҳурии Тоҷикистон мулоқот намуд
ДУШАНБЕ, 20.08.2021 /АМИТ «Ховар»/. 18 август раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Сафири Ҷумҳурии Туркия дар Ҷумҳурии Тоҷикистон Эмре Зеки Карагол мулоқот кард.
Тавре аз Кумитаи ҳифзи муҳити зист хабар доданд, дар мулоқот оид ба Лоиҳаи партовҳои сифрии Туркия, ки таҳти сарпарастии хонум Эмине Эрдуғон, ҳамсари президенти Ҷумҳурии Туркия ба амал бароварда шудааст, мубодилаи афкор сурат гирифт.
Сафири Ҷумҳурии Туркия дар Тоҷикистон Эмре Зеки Карагол ба раиси Кумита оид ба ҷараёни иҷрои лоиҳаи «Zero Waste» (партовҳои сифр), ки дар Туркия татбиқ мешавад, иттилоъ дода, зикр намуд, ки Ҷумҳурии Туркия кишварҳои дигарро ба ин лоиҳа даъват мекунад. Ҳамчунин сафир таъкид кард, ки Туркия дар якҷоягӣ бо дигар шарикони байналмилалӣ омода аст ба татбиқи лоиҳаи мавриди назар дар Тоҷикистон мусоидат намояд.
Раиси Кумита барои ҳамроҳ шудан ба ин лоиҳа изҳори омодагӣ намуда, ҳамзамон иброз дошт, ки барои омӯзиши лоиҳа гурӯҳи техникӣ таъсис дода мешавад. Мавсуф ҳамчунин ташаббускори роҳандозии лоиҳаи озмоишӣ дар яке аз навоҳии Тоҷикистон хоҳад буд. Ба сафир хабар дода шуд, ки тибқи тартиби дохилӣ, ҳуҷҷатҳои лоиҳа бояд тавассути Кумита ба Вазорати корҳои хориҷии Ҷумҳурии Тоҷикистон пешниҳод карда шаванд.
Мулоқот дар фазои ҳамдигарфаҳмӣ баргузор шуда, ҷонибҳо оид ба масъалаҳои баррасишуда ба мувофиқа расиданд.
АКС аз Кумитаи ҳифзи муҳити зист
ПЕШВОИ МО-ИФТИХОРИ МО. Дар вилояти Хатлон Рӯзи Президент бо шукуҳу шаҳомат таҷлил гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
РӮЗИ ПРЕЗИДЕНТ-РАМЗИ САДОҚАТУ ВАФОДОРӢ БА ВАТАНИ МАҲБУБ. Дар Суди конститутсионӣ ҳамоиш доир шуд
Бахшида ба Рӯзи Президент дар Академияи миллии илмҳо конференсияи илмию назариявӣ баргузор шуд
Дар Бадахшон Рӯзи Президент бо тантана таҷлил гардид
Имрӯз дар Тоҷикистон ҳаво рӯзона то 24 дараҷа гарм мешавад
Дар ноҳияи Ёвон Рӯзи Президенти Тоҷикистон ва 33-солагии Иҷлосияи XVI Шурои Олӣ таҷлил гардид
Меъмори тоҷиктабори муқими Олмон Саидумари Маъсум: «Эмомалӣ Раҳмон барои миллат ҳамчун шоҳ Исмоили Сомонӣ хидмат намуданд»
Бо ибтикори Ҳаракати ваҳдати миллӣ ва эҳёи Тоҷикистон дар Норак ҳамоиши ҷумҳуриявӣ доир шуд
Муовини якуми Раиси Ҳизби Халқии Демократии Тоҷикистон бо аъзои Бюрои сиёсии ҳизби «Единая Русия» мулоқот намуд
Пешвои миллат Эмомалӣ Раҳмон дар Вазорати рушди иқтисод ва савдо ва намояндагиҳои дипломатии Ҷумҳурии Тоҷикистон таъиноти кадрӣ ба амал оварданд
РӮЗИ ПРЕЗИДЕНТ. Ҷашне, ки ба шахсияти таърихӣ ва хизматҳои беназири Президенти Тоҷикистон бахшида шудааст
