Шаҳрвандони Федератсияи Русия дар интихоботи Думаи давлатӣ метавонанд дар ду шаҳри Тоҷикистон овоз диҳанд

ДУШАНБЕ, 27.08.2021 /АМИТ «Ховар»/. Шаҳрвандони Русия, ки дар қаламрави Тоҷикистон зиндагӣ мекунанд, метавонанд дар интихоботи вакилони Думаи давлатӣ, ки 19 сентябри соли 2021 дар ду шаҳри Тоҷикистон — Душанбе ва Хуҷанд баргузор мешавад, овоз диҳанд. Тавре дирӯз, 26 август аз маркази матбуоти Сафорати Русия дар Тоҷикистон хабар доданд, қитъаҳои овоздиҳӣ аз соати 8:00 то 20:00 (аз соати 8:00 то 20:00 ба вақти Душанбе) кор хоҳанд кард.

«Ҳама шаҳрвандони Федератсияи Русия, ки дар қаламрави Тоҷикистон қарор дошта, ҳуқуқи овоздиҳӣ доранд, дар ин рӯз (19 сентябри соли 2021) ба қитъаҳои интихоботии Душанбе дар бинои Маркази илм ва фарҳанги Русия ва дар шаҳри Хуҷанд дар бинои Консулгарии генералии Федератсияи Русия даъват карда мешаванд»,- гуфта мешавад дар иттилоияи намояндагиҳои дипломатӣ.

Хадамоти матбуот зикр мекунад, ки ҳангоми рафтан ба қитъаҳои интихоботӣ риояи меъёрҳои санитарию эпидемиологӣ, аз ҷумла пӯшидани ниқоби муҳофизатӣ зарур аст.

ДАР АКС: дар Душанбе дар бинои Маркази илму фарҳанги Русия як қитъаи интихоботӣ ташкил карда шудааст. Акс: © Sputnik