Ҳаракати нақлиёт аз буриши кӯчаи Н.Қарабоев то буриши кӯчаи М.Қосимови пойтахт муваққатан қатъ гардид

ДУШАНБЕ, 22.09.2021. /АМИТ «Ховар»/. Шурӯъ аз имрӯз,   22 сентябр бинобар сабаби  оғоз гардидани корҳои таъмирӣ  ҳаракати ҳамагуна воситаҳои нақлиёт дар  кӯчаи Фирдавсӣ,  аз буриши кӯчаи Н.Қарабоев то буриши кӯчаи М.Қосимови пойтахт  манъ карда мешавад, иттилоъ доданд аз шуъбаи иттилооти дастгоҳи Раиси шаҳри Душанбе ба АМИТ «Ховар».

Дар ин робита  ба нақшаи хатсайрҳои нақлиёти мусофиркашонии автобусии №2, 18, 81, инчунин хатсайрҳои микроавтобусии №30, 42, 54, 57, 81 ва 88 тағйирот ворид гардида, фаъолияти онҳо то ба истифода додани роҳи кӯчаи Фирдавсӣ, тавассути кӯчаҳои Н.Қарабоев, Ҷанубӣ, Қосимов ва хиёбони А.Ҷомии шаҳри Душанбе  ба роҳ монда мешавад.

АКС: аз бойгонии АМИТ «Ховар»