Ассотсиатсияи миллии баскетболи ИМА мураббиёну варзишгарони тоҷикро ба Амрико сафарбар менамояд
ДУШАНБЕ, 03.09.2021 /АМИТ «Ховар»/. 2 сентябр котиби генералии Кумитаи миллии олимпии Тоҷикистон Муҳаммадшо Абдуллозода бо менеҷери Ассотсиатсияи миллии баскетболи ИМА (NBA) Макс Вилсон мулоқот кард. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Макс Вилсон бо мақсади омӯхтани шароит ва ба роҳ мондани ҳамкорӣ бо Федератсияи баскетболи Тоҷикистон бо сафари корӣ ба ҷумҳурии мо омадааст.
Зимни мулоқот Муҳаммадшо Абдуллозода зикр намуд, ки дар Ҷумҳурии Тоҷикистон бо дастгирӣ ва ғамхориҳои Президенти кишвар, Президенти Кумитаи миллии олимпӣ, Пешвои миллат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ барои рушди ҳамаи намудҳои варзиш шароит фароҳам оварда шудааст. Хусусан, се соли охир дар шаҳри Душанбе беш аз 300 майдончаи варзишӣ сохта шуданд, ки ба бозиҳои футбол, волейбол ва баскетбол нигаронида шудаанд. Ин имкон медиҳад, ки наврасону ҷавонон ба варзиш машғул шаванд ва дар оянда ба клубҳо ва дастаҳои миллӣ даъват гарданд.
“Дар ин замина Федератсияи баскетболи Тоҷикистонро зарур аст, ки барои омода кардани варзишгарон аз ҷиҳати касбӣ таваҷҷуҳ кунад. Мо хушҳолем, ки дар ин самт аллакай қадамҳои нахустин гузошта мешаванд”, — иброз намуд М. Абдуллозода.
Макс Вилсон иброз намуд, ки мақсади сафараш ба Тоҷикистон ба роҳ мондани ҳамкорӣ дар самти табодули таҷриба, омӯзиш ва такмили ихтисоси мураббиёну варзишгарон мебошад.
“Ман бо варзишгарону мураббиён ва намояндагони федератсия мулоқот доштам. Мо имкон дорем дар навбати аввал барои табодули таҷриба мутахассисонро аз NBA ба ин ҷо фиристем ва мураббиёну варзишгаронро аз Тоҷикистон ба Иёлоти Муттаҳида сафарбар намоем. Сипас, бо дастгирии NBA шояд дар Тоҷикистон Академияи баскетбол таъсис диҳем”, — гуфт дар идома М. Вилсон.
Ҷонибҳо барои омода кардани дастаи мунтахаби Тоҷикистон ба Бозиҳои Осиё-2022 дар равияи баскетболи 3х3, ки моҳи сентябри соли 2022 дар шаҳри Ҳангжоуи Чин доир мегардад, ба мувофиқа расиданд.
Пас аз мулоқот Макс Вилсон дар осорхонаи “Шарафи олимпӣ” бо дастовардҳои варзишгарони тоҷик шинос шуд.
АКСҲО аз КМО Тоҷикистон
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
