Дар Душанбе дар доираи барномаи «Шаҳри ҳушманд» форуми байналмилалӣ доир гардид

Сентябрь 6, 2021 17:00

ДУШАНБЕ, 06.09.2021. /АМИТ «Ховар»/. Имрӯз бо дастгирии Раиси шаҳри Душанбе муҳтарам Рустами Эмомалӣ дар доираи нақшаи кории Шӯрои кории Созмони ҳамкории Шанхай,  бо ташаббуси Корхонаи воҳиди давлатии “Шаҳри ҳушманд”-и Мақомоти иҷроияи ҳокимияти давлатии шаҳри Душанбе дар Китобхонаи миллии Тоҷикистон Форуми байналмилалии “Ҳамкорӣ ва табодули таҷриба байни шаҳрҳо ва пойтахтҳои кишварҳои СҲШ дар доираи барномаи “Шаҳри ҳушманд” оид ба “Дурнамои истифодаи барномаи иқтисоди рақамӣ, технологияҳои ҳушманди низоми “Шаҳри ҳушманд” дар тиҷорат” баргузор гардид. Дар  ин бора АМИТ «Ховар» азмақомоти иҷроияи ҳокимияти давлатии шаҳри Душанбе хабар доданд.

Дар Форуми мазкур муовини Раиси шаҳри Душанбе Амирхон Қурбонзода, намояндаи котиботи Созмони ҳамкории Шанхай, раиси Палатаи савдо ва саноати Ҷумҳурии Тоҷикистон, раиси шӯрои кории Созмони ҳамкории Шанхай Ҷуъмахонзода Ҷамшед, котиби масъули шӯрои кории Созмони ҳамкории Шанхай Сергей Канавский ва директори КВД “Шаҳри ҳушманд” Саъдӣ Самадзода иштирок ва суханронӣ намуданд.

Ҳадафи баргузории Форуми мазкур шиносоии иштирокчиён бо имкониятҳои технологияҳои иттилоотии муосир ва таъсири он дар рушди инфрасохтори пойтахтҳо ва шаҳрҳои бузурги кишварҳои СҲШ мебошад.

Дар рафти кори Форум аъзоёни ҳайати кишварҳои узви СҲШ, намояндагони мақомоти давлатӣ, сафоратҳои хориҷӣ ва созмонҳои байналмилалӣ, доираҳои соҳибкорӣ, навовариҳои имконияти технологияҳои муосири иттилоотиву таъсири онҳо ба рушди инфрасохтори пойтахтҳо ва шаҳрҳои кишварҳои СҲШ-ро баррасӣ намуданд.

Бояд зикр кард, ки Форум фарогири масъалаҳои рушди технологияҳои информатсионӣ, интернет-муошират, тиҷорати рақамӣ, ҳамкорӣ дар “Лоиҳаҳои ҳушманд” инчунин соҳаи нақлиёт, маориф, тиб ва экология буд.

Сентябрь 6, 2021 17:00

Хабарҳои дигари ин бахш

«ОМАД ХУҶАСТА МЕҲРГОН…». Дар Душанбе Иди Меҳргон бо шукӯҳи хосса таҷлил мегардад
ДУШАНБЕРО ОЗОДА НИГОҲ МЕДОРЕМ! Дар ҳудуди пойтахт 36 маротиба иқдоми «Тозагии соҳил» ва 29 маротиба «Тозагии маҳал» гузаронида шуд
Бо дастгирии Раиси шаҳри Душанбе мураббиёну омӯзгорони муассисаҳои таълимии пойтахт бо мукофоти пулӣ қадрдонӣ шуданд
Дар Душанбе иҷлосияи Маҷлиси вакилони халқи пойтахт доир гардид
«ДУШАНБЕ-ШАҲРИ ИМКОНОТИ РУШДИ САЙЁҲИИ УСТУВОР». Таҳти чунин унвон Рӯзи ҷаҳонии сайёҳӣ таҷлил гардид
ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
Дар Душанбе 400 адад автобусҳои истеҳсоли муштараки Туркия ва Тоҷикистон ба сокинон хизмат мерасонанд
РӮЗИ ЗАБОНИ ДАВЛАТӢ. Дар Душанбе корҳои омодагӣ барои дар сатҳи баланд таҷлил намудани он оғоз шуданд
ТАВАҶҶУҲ! Аз буриши кӯчаи А.Навоӣ то роҳи дусатҳаи хиёбони Н.Махсуми пойтахт ҳаракати ҳама гуна воситаи нақлиёт муваққатан қатъ мегардад
ТАВАҶҶУҲ! Ҳаракати воситаҳои нақлиёт аз канали дериватсионии хиёбони Рӯдакӣ то хиёбони Ҳ. Шерозӣ манъ мегардад
Иҷлосияи ёздаҳуми Маҷлиси вакилони халқи шаҳри Душанбе, даъвати шашум баргузор мешавад
Дар Душанбе низоми пардохти электронии роҳкироро баррасӣ намуданд

Хабарҳои муҳимтарин