ФУТБОЛ БАРОИ ҲАМА. Лигаи футболи бонувони ФФТ дар Хоруғ фестивал баргузор намуд
ХОРУҒ, 22.09.2021 /АМИТ «Ховар»/. Бо ибтикори Федератсияи футболи Тоҷикистон дар шаҳри Хоруғ даври навбатии фестивали «Футбол барои духтарон» баргузор гардид. Фестивал бо ибтикор ва дастгирии Лигаи футболи бонувони Федератсияи футболи Тоҷикистон дар чаҳорчӯби барномаи байналмилалии ФИФА ВУМЕН ФУТБАЛ ва барномаи «Футбол барои ҳама» баргузор гардид, иттилоъ медиҳад мухбири минтақавии АМИТ «Ховар».
Теъдоди зиёди духтарони хурдсол бо шавқи беандоза дар ин фестивал ширкат намуда, бо бозии ҷолиб, ҳаракату усулҳои зебо исбот намуданд, ки онҳо низ дар оянда тавони ташкили чанд дастаи касбӣ доранд.
Раиси Федератсияи футболи Вилояти Мухтори Кӯҳистони Бадахшон Аноятшо Аноятшоев гуфт, ки «футбол дар ҷумҳурии мо акнун на танҳо ба шуғли дӯстдоштаи писарон, балки духтарон низ табдил ёфтааст. Инро ширкати фаъоли духтарон дар фестивали имрӯзаи футбол собит сохт. Зиёда аз 200 нафар духтарони аз 6 то 12-сола дар ин фестивал бо шавқи беандоза ширкат намуданд. Агар чунин фестивалу мусобиқаҳо барои футболобозони хурдсол бештар баргузор гардад, дар оянда дар шаҳри Хоруғ ташкил кардани дастаҳои бонувон осонтар мегардад».
Директори Лигаи футболи бонувони Федератсияи футболи Тоҷикистон Абдулло Соқиев гуфт, ки «чунин фестивал дар чаҳорчӯби барномаи «Футбол барои ҳама» дар шаҳру ноҳияҳои мухталифи вилоятҳои Хатлону Суғд баргузор гардид ва ҳадафи ягонаи он ташвиқи тарзи ҳаёти солим ва рушди футболи бонувон мебошад. Ҳоло дар кишвар Лигаи футболи бонувон ва чемпионати даврии дастаҳои беҳтарини бонувон фаъоланд, ки ин барои минбаъд равнақ додани футболи бонувон, оммавигардонии он, дарёфти чеҳраҳои беҳтарини ин намуди варзиш яке аз дигар мақсадҳои фестивали мазкур мебошад».
Ҳангоми баргузории фестивал намояндагони лига усулҳои гуногуни идора кардани тӯбро ёд доданд. Пас аз он миёни футболбозони наврас мусобиқа баргузор карда шуд. Баргузории чунин давраҳои омӯзишии назариявию амалӣ ба ҷалби футбол миёни наврасон такони хуб бахшида, барои ташкили дастаҳои бештари футболи бонувон мусоидат мекунад.
Дар фарҷоми фестивал Лигаи футболи бонувон ба футболбозони наврас либосҳо ва лавозимоти варзишӣ туҳфа намуд.
АКСҲО: АМИТ «Ховар»
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
