ФУТБОЛ. Дастаи мунтахаби ҷавонони Тоҷикистон ба Баҳрайн сафар намуд

Сентябрь 2, 2021 09:21

ДУШАНБЕ, 02.09.2021 /АМИТ «Ховар»/. Дастаи мунтахаби ҷавонони то 23-солаи Тоҷикистон барои вохӯриҳои дӯстона бо ҳамсолони худ аз Баҳрайн, ки 3-6 сентябр баргузор мешаванд, 1 сентябр ба шаҳри Манама сафар кард, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Ҳайати  дастаи мунтахаби ҷавонони Тоҷикистон тавассути хатсайри  Дубай ба Манама рафт. Ба ҳайати дастаи  мунтахаби Тоҷикистон  23 бозингар — 3 дарвозабон, 8 ҳимоятгар, 9 нимҳимоятгар ва 3 ҳамлагар шомил буданд. Инчунин ба ҳайати даста ду легионер — нимҳимоятгари «Навбаҳор»-и Узбекистон Эҳсони Панҷшанбе ва ҳамлагар Шаҳром Самиев аз «Торпедо-БелАЗ»-и Беларус даъват карда шуданд.

Бозиҳои дӯстонаи дарпешистода яке аз марҳилаҳои омодагии дастаи мунтахаби ҷавонони Тоҷикистон ба мусобиқаи интихобии Ҷоми Осиё-2022 мебошанд, ки аз 25 то 31 октябр дар шаҳри  Душанбе баргузор мешаванд. Дастаи мунтахаби ҷавонони Тоҷикистон  дар як гурӯҳ бо дастаҳои  мунтахаби Эрон, Лубнон ва Непал бозӣ хоҳад кард.

 Ҳайати дастаи мунтахаби ҷавонони Тоҷикистон (U-23) барои бозиҳои дӯстона бо дастаи  миллии Баҳрайн:

Дарвозабонҳо: Далер Азизов («Регар-ТадАЗ»), Аҳлиддин Ҳабибуллоев («Куктош»), Муҳаммадрабӣ Раҳматуллоев («Барқчӣ»);

Дифоъгарон: Наимҷон Иброҳимзода («Хуҷанд»), Муҳаммад Саломзода («Кӯктош»), Ҳусейн Нурматов («Истаравшан»), Муҳаммаҷон Насков, Фирдавс Алиназаров (ҳарду – «Хатлон»), Шоҳрух Сангов («Файзканд»), Алиҷон Кароматуллозода (КМВА), Исроил Холов («Регар-ТадАЗ»);

Нимҳимоятгарон: Эҳсони Панҷшанбе («Навбаҳор», Узбекистон), Кароматулло Саидов, Абдулмумин Забиров, Далер Ёдгоров (ҳарду – «Хуҷанд»), Сорбон Авғонов («Хатлон»), Шарафҷон Солеҳов (КМВА), Хуршед Абдуллоев («Душанбе»), Эмомалӣ Аҳмадхон, Шуҳрат Элмуродов (ҳарду – «Регар-ТадАЗ»);

Ҳамлаварон: Шаҳром Самиев («Торпедо-БелАЗ», Беларус), Нуриддин Ҳамроқулов («Хатлон»), Муҳаммадалӣ Азизбоев («Истаравшан»).

Сармураббӣ – Мубин Эргашев.

                                                                                                             АКС аз ФФТ

Сентябрь 2, 2021 09:21

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд