ФУТБОЛ. «Истиқлол» дар бозии даври 19-уми чемпионати Тоҷикистон бар дастаи «Равшан» ғолиб омад

ДУШАНБЕ, 20.09.2021 /АМИТ «Ховар»/. Дастаи футболи «Истиқлол»-и шаҳри  Душанбе дар даври 19-уми чемпионати Тоҷикистон  бар дастаи футболи  «Равшан»-и шаҳри Кӯлоб  дастболо шуд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Бозии марказии даври 19-уми чемпионати Тоҷикистон байни дастаҳои футболи «Истиқлол»-и шаҳри Душанбе ва «Равшан»-и шаҳри Кӯлоб  бо пирӯзии чемпиони феълии мамалакат ба анҷом расид. Баъди ба даст овардани се имтиёзи навбатӣ дастаи  футболи «Истиқлол»-и шаҳри Душанбе мақеи худро боз ҳам дар садри ҷадвал мустаҳкам намуд.

Бозии ояндаи худро  дастаи  футболи  «Истиқлол»-и шаҳри Душанбе  21 сентябр баргузор менамояд. Дар ин рӯз дастаи  футболи  «Истиқлол»-и шаҳри Душанбе дар варзишгоҳи марказии шаҳри Ҳисор дастаи футболи  «Хатлон»-и шаҳри Бохтарро қабул менамояд.

Чемпионати Тоҷикистон

Даври 19-ум

«Истиқлол» — «Равшан» — 2:0

Голҳо: Шервонӣ Мабатшоев, 80 аз ҷаримаи 11-метра (1:0). Ваҳдат Ҳанонов, 90+4 (2:0).

«Истиқлол» (Душанбе): Шоҳрух Қирғизбоев, Ваҳдат Ҳанонов, Андрей Мишенко, Алексей Ларин, Зоир Ҷурабоев, Манучеҳр Сафаров (Далер Имомназаров, 64) , Хуршед-Тимур Ҷураев (Петар Патев, 56), Ислом Зоиров (Шарифбек Раҳматов, 90+1), Алишер Ҷалилов, Рустам Соиров (Салам Ашурмасадов, 56), Шервонӣ Мабатшоев.