Ба 23 нафар бонувони ҳунарманди ноҳияи Шуғнон таҷҳизоти истеҳсолӣ кумак расонида шуд
ДУШАНБЕ, 16.10.2021 /АМИТ «Ховар»/. Дар ноҳияи Шуғнони Вилояти Мухтори Кӯҳистони Бадахшон ба 23 нафар бонувони ҳунарманди ноҳияи мазкур аз ҷониби Мақомоти иҷроияи ҳокимияти давлатии ноҳияи Шуғнон дар ҳамкорӣ бо намояндагии Донишкадаи Осиёи Марказӣ дар Тоҷикистон дар доираи лоиҳаи ISPIKE ҷиҳати пешбурди фаъолияти соҳибкорӣ таҳҷизоти дӯзандагӣ, тафдони барқӣ ва дигар намуди дастгоҳ кумак расонида шуд, хабар медиҳад АМИТ «Ховар» бо истинод ба МИҲД-и ноҳияи Шуғнон.
Намояндагии Донишкадаи Осиёи Марказӣ дар Тоҷкистон оилаҳои муҳоҷирон ва занони хонашинро моҳи апрели соли равон дар доираи ин лоиҳа ба курсҳои омӯзишӣ зери унвони «Бизнеси худро равнақ бубахш ва ояндаро ба нақша гир» ҷалб намуд.
Дар робита ба ин 14 октябр занону бонувони ҳунарманде, ки аз курсҳои омӯзишӣ гузашта, аллакай фаъолияти соҳибкориашонро ба роҳ мондаанд, маҳсулоти тайёрнамудаи хешро ба меҳмонон ва ҷамъомадагон ба намоиш гузоштанд, ки писанди ҳамагон гардид.
Мақсади асосии чунин курсҳои омӯзишӣ- ин баланд бардоштани малакаи тиҷоратии занону бонувон мебошад, ки дар оянда тавонанд ҷойи кор ташкил намуда, худ ва оилаашонро бо зиндагии шоиста таъмин намоянд.
Зимни боздид аз намоиши ҳунарҳои дастии бонувони ноҳия раиси ноҳияи Шуғнон Ҷумъа Ҷумъазода ба роҳбарияти намояндагии Донишкадаи Осиёи Марказӣ дар Тоҷикистон барои дастгирии бонувони ноҳия изҳори сипос намуда, барои минбаъд низ вусъат бахшидани ҳамкории судманди тарафайн изҳори боварӣ намуд.
АКСҲО : МИҲД-и н. Шуғнон
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
