БА ХИЗМАТИ ВАТАН ОМОДАЕМ! Дар Мастчоҳ аввалин гурӯҳи даъватшавандагон ба сафи Қувваҳои Мусаллаҳ гусел карда шуд
ДУШАНБЕ, 02.10.2021 /АМИТ «Ховар»/. Субҳи 2 октябр дар майдони Парчами давлатии Тоҷикистон дар ноҳияи Мастчоҳ ба ифтихори гусели аввалин гурӯҳи даъватшавандагони мавсими тирамоҳии имсола ба сафи Қувваҳои Мусаллаҳи мамлакат чорабинии тантанавӣ баргузор гардид, хабар медиҳад АМИТ «Ховар» бо истинод ба нашрияи «Нигоҳи халқ».
Дар чорабинии мазкур роҳбарияти ноҳия, сохторҳои ҳифзи ҳуқуқ, собиқадорони меҳнат, барқароркунандагони сохти конститутсионӣ, раисони ҷамоатҳои шаҳраку деҳот ва муҳассилони муассисаҳои таълимии ноҳия иштирок карданд.
Муовини якуми раиси ноҳияи Мастчоҳ Муллосоқӣ Атовуллозода ҷавонони ватандӯстро, ки бо амри дилу виҷдон барои ба сафи Қувваҳои Мусаллаҳи Тоҷикистон пайвастан азм кардаанд, муборакбод гуфта, барояшон иқболи баланд ва хизмати содиқона таманно кард.
«Имрӯз ифтихори ватандорӣ ва дарки масъулияти шаҳрвандӣ шуморо ба марҳилаи муҳими ҳаёт — хизмат дар сафи Артиши миллӣ равона намудааст. Боварии комил дорам, ки дар ин мактаби мардонагӣ таҷрибаи зиндагӣ, ҷавонмардӣ ва ҷонфидои марзу бум буданро омӯхта, ҳамеша барои амнияту суботи кишвар ва ҳимояи хоки Тоҷикистон содиқона хизмат мекунед», — таъкид кард Муллосоқӣ Атовуллозода.
Комиссари ҳарбии ноҳия, подполковник Аҳадҷон Аҳмадзода доир ба аҳамияти хизмати ҳарбӣ дар рушди зеҳниву ҷисмонии ҷавонон сухан гуфта, таъкид намуд, ки то имрӯз бештар аз 70 нафар ҷавонон аз комиссияи тиббӣ гузашта, барои ба сафи Артиши миллӣ пайвастан пурра омодаанд.
«Хушбахтона, 40 нафар аз онҳо бо дастгирии амалии раиси ноҳия, шодравон Тоҳир Азиззода дар мактаби ронандагӣ таҳсил намуда, соҳиби ҳуқуқи ронандагӣ гаштанд», — гуфт Аҳадҷон Аҳмадзода.
Роҳбари филиали ташкилоти ҷамъиятии «Мададгори мудофиа» дар ноҳия Икром Ҳомидов низ даъватшавандагонро табрик гуфта, дар вазъияти тантанавӣ ба онҳо ҳуҷҷатҳои ронандагӣ тақдим намуд.
Пас аз супоридани туҳфаҳои хотиравии Мақомоти иҷроияи ҳокимияти давлатии ноҳияи Мастчоҳ ва маросими халқии нонгазон барномаи рангини фарҳангӣ доир шуд.
Дар охир даъватшаванда аз Ҷамоати деҳоти Оббурдон Абдумалик Амонов бо ибрози ифтихору хушнудӣ аз Рӯзи даъватшаванда аз дигар ҳамсолони худ хоҳиш кард, ки рисолати фарзандиву шаҳрвандии худро сарбаландона иҷро намоянд.
Аксҳо аз нашрияи «Нигоҳи халқ»
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
