Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
ДУШАНБЕ, 17.11.2026 /АМИТ «Ховар»/. 16 ноябр дар шаҳри Дубайи Амороти Муттаҳидаи Арабӣ Маркази Саммити панҷуми ҷаҳонии полис оғоз гардид. Дар кори он ҳайати Тоҷикистон таҳти роҳбарии Вазири корҳои дохилии Ҷумҳурии Тоҷикистон Рамазон Раҳимзода иштирок дорад.
Тавре ба АМИТ «Ховар» аз ин вазорат хабар доданд, дар доираи баргузории саммит Вазири корҳои дохилии Тоҷикистон Рамазон Раҳимзода бо Вазири корҳои дохилии Амороти Муттаҳидаи Арабӣ Шайх Сайф ибни Зоид Оли Наҳаён вохӯрӣ намуд.
Зимни вохӯрӣ ҷонибҳо масъалаҳои густариши ҳамкории мақомоти корҳои дохилии ду давлатро дар самтҳои таъмини амният, мубориза бо терроризм ва экстремизм, ҷинояткории фаромиллӣ, муомилоти ғайриқонунии маводи нашъаовар ва ҷиноятҳои киберӣ баррасӣ намуданд.
Ҳамзамон байни вазорати корҳои дохилии ҳар ду давлат «Ёддошти тафоҳум дар бораи эътирофи мутақобил ва табодули шаҳодатномаҳои ронандагӣ» ба имзо расид.
Гуфта шуд, ки имзои ин санад барои таҳкими заминаи ҳуқуқии ҳамкории байниидоравӣ ва содагардонии расмиёти эътирофи мутақобили шаҳодатномаҳои ронандагии шаҳрвандони ҳар ду ҷониб заминаи мусоид фароҳам меорад.
Ёдовар мешавем, ки саммит аз 16 то 18 ноябр идома меёбад. Дар он намояндагони мақомоти ҳифзи ҳуқуқ, вазоратҳои корҳои дохилӣ, созмонҳои байналмилалӣ ва коршиносони соҳаи амният аз 110 давлати ҷаҳон иштирок доранд. Ҳамзамон беш аз 170 ширкати пешрафтаи ҷаҳонӣ дастовардҳо ва навгониҳояшонро дар самти амният ва мудофиа ба намоиш мегузоранд.
АКС: Вазорати корҳои дохилии Ҷумҳурии Тоҷикистон








Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст
Дар Душанбе бахшида ба Рӯзи милитсияи тоҷик ҷамъомади тантанавӣ доир шуд






