Раёсати Шурои ҳамоҳангсозии мақомоти зиддимухаддиротии СААД дар соли 2027 ба Тоҷикистон гузашт
ДУШАНБЕ, 21.11.2026 /АМИТ «Ховар»/. 19 ноябр дар шаҳри Қазони Федератсияи Русия ҷаласаи 28-уми Шурои ҳамоҳангсозии роҳбарони мақомоти ваколатдор оид ба муқовимат ба муомилоти ғайриқонунии маводи нашъаовари давлатҳои аъзои Созмони Аҳдномаи амнияти дастаҷамъӣ (СААД) баргузор гардид. Дар кори он Директори Агентии назорати маводи нашъаовари назди Президенти Ҷумҳурии Тоҷикистон Зафар Самад иштирок намуд.
Тавре ба АМИТ «Ховар» аз ин агентӣ хабар доданд, роҳбарони мақомоти зиддимухаддиротии кишварҳои аъзо масъалаҳои тақвияти ҳамкории минбаъдаро дар самти мубориза бо гардиши ғайриқонунии маводи нашъаовар баррасӣ карданд.
Иштирокчиён натиҷаҳои амалиётҳои муштараки зиддимухаддиротиро дар соли 2026 ҷамъбаст намуда, нақшаи чорабиниҳои асосии Шуроро барои соли 2027 тасдиқ карданд. Зимни ҷаласа раёсати Шурои ҳамоҳангсозии мақомоти зиддимухаддиротии Созмони Аҳдномаи амнияти дастаҷамъӣ дар соли 2027 ба Ҷумҳурии Тоҷикистон вогузор карда шуд.
Директори Агентии назорати маводи нашъаовари назди Президенти Ҷумҳурии Тоҷикистон Зафар Самад доир ба вазъи назорати маводи нашъаовар дар Тоҷикистон ва минтақа сухан намуда, вобаста ба таҳдиду хатарҳои марбут ба гардиши ғайриқонунии маводи нашъаовари навъи синтетикӣ изҳори назар кард.
«Агентии назорати маводи нашъаовари назди Президенти Ҷумҳурии Тоҷикистон барои иҷрои вазифаҳои раёсат дар соли 2027 омодагии ҳамаҷонибаи худро баён дошта, бо дарназардошти мавқеи калидии Тоҷикистон дар хатти пеши мубориза бо қочоқи маводи мухаддир, мо таваҷҷуҳи асосиро ба таҳкими ҳифзи сарҳадоти давлатӣ, пешгирии убури ғайриқонунии маводи нашъаовар ва тавсеаи амалиётҳои муштараки фаврӣ бо мақомоти зиддимухаддиротии давлатҳои аъзо равона хоҳем кард»,-таъкид намуд Зафар Самад.
АКС: Агентии назорати маводи нашъаовари назди Президенти Ҷумҳурии Тоҷикистон








Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст






