БАБРИ БАРФӢ ДАР «ДАШТИҶУМ». 70 фоизи масоҳати паҳншавии ин ҳайвони нодир дар ҳудуди Бадахшон ҷойгир аст
ДУШАНБЕ, 27.10.2021 /АМИТ «Ховар»/. Дар даромадгоҳи Мамнӯъгоҳи давлатии табиии «Даштиҷум» бо ибтикори Кумитаи ҳифзи муҳити зисти назди Ҳукумати ҷумҳурӣ муҷассамаи яке аз ҳайвоноти нодири Тоҷикистон-бабри барфӣ гузошта шуд. Бабри барфӣ, ки онро озодапаланг ҳам меноманд, ҳайвони ваҳшии нодиртарин маҳсуб шуда, соли 1963 дар «Китоби сурх»-и ҷаҳонӣ ва соли 1988 дар «Китоби сурх»-и Тоҷикистон сабт гардидааст, хабар доданд ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон.
Бабри барфӣ дар қисмати ҳудудҳои табиии махсус муҳофизатшавандаи Тоҷикистон, дар экосистемаи табиии резервати биосферии Ромит ва экосистемаи табиии мамнуъгоҳи Даштиҷум, Зоркӯл, қисмати паркҳои табиии миллии Тоҷикистон дар Вилояти Мухтори Кӯҳистони Бадахшон, ноҳияи Лахш ва Сангвор сукунат дорад. Тибқи омори Кумитаи ҳифзи муҳити зисти назди Ҳукумати Ҷумҳурии Тоҷикистон, 70 фоизи масоҳати паҳншавии бабри барфӣ дар ҳудуди Бадахшон ҷойгир аст. Мавзеъҳои хоси зисти бабри барфӣ дар баландиҳои аз 2000 то 5200 метр аз сатҳи баҳр ҷойгир шудаанд.
Дар Ҷумҳурии Тоҷикистон ба зиёд намудани саршумори бабри барфӣ таваҷҷуҳи махсус дода шуда, дар ин самт аз ҷониби Ҳукумати Ҷумҳурии Тоҷикистон тадбирҳои муҳим андешида мешаванд. Яке аз онҳо дар мавзеи Ҷамантали Мурғоб бунёд намудани Маркази солимгардонии ҳайвоноти нодир, аз ҷумла бабри барфӣ дар масоҳати 10 гектар мебошад. Гузоштани муҷассамаи бабри барфӣ дар Мамнӯъгоҳи давлатии табиии «Даштиҷум» бозгӯи муаррифии бештари ин ҷонвари нодири табиати нотакрори Тоҷикистон ба дӯстдорони табиат, хусусан сайёҳони хориҷӣ мебошад.
Мамнӯъгоҳи давлатии табиии «Даштиҷум» соли 1983 дар ҷануби Тоҷикистон таъсис дода шуда, масоҳаташ 19700 гектарро ташкил медиҳад. Мамнӯъгоҳ бо мақсади омӯзиш, барқарор ва ҳифзи олами набототу ҳайвоноти нодир, аз ҷумла бабри барфӣ дар доманаи ҷанубии каторкӯҳҳои Дарвоз таъсис дода шудааст.
Акс аз манбаъҳои боз
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
