Дар Душанбе Фестивали IV филмҳои фаронсавӣ доир мегардад
ДУШАНБЕ, 24.10.2021 /АМИТ «Ховар»/. Аз 1 то 5 ноябр Фестивали чаҳоруми филмҳои фаронсавӣ дар Душанбе доир мегардад. Дар он филмҳои бадеӣ, мустанад, аниматсионӣ, мазҳакавӣ ва драмавии муосир бо субтитрҳои русӣ ба забони фаронсавӣ намоиш дода шуда, тамошои филмҳо ройгон аст. Дар ин бора ба АМИТ «Ховар» дар Маркази фарҳангии «Бохтар» иттилоъ доданд.
Созмондиҳандагони фестивал Сафорати Ҷумҳурии Фаронса дар Ҷумҳурии Тоҷикистон ва Маркази фарҳангии «Бохтар» мебошанд.
Фестивали филмҳои фаронсавӣ дар Душанбе 1 ноябр бо филми «Comme un Lion» («Мисли шер») , ки 1 соату 42 дақиқаро дарбар мегирад, оғоз мегардад. Филм ба ҳаёти писарчаи 15-сола бо номи Митри бахшида шудааст
Ӯ дар деҳаи Сенегал зиндагӣ мекунад. Мисли ҳама ҷавонони ҳамсолаш орзуи дар дастаҳои футболи «Барса» ва «Челси» бозӣ кардан дорад. Аммо барои қабул шудан ба богоҳҳои бузурги Аврупо маблағ пардохт кардан лозим. Барои ба ӯ кумак намудан волидайнаш мехоҳанд саҳм гузоранд ва қарздор мешаванд. Митри бе ягон танга мемонад ва аз шарм ба деҳаашон баргаштанро тасаввур кардан намехоҳад. Ҳамин тавр саргардониҳои ӯ оғоз меёбанд. Орзуи деринаи ӯ дар бораи футбол дар як вохӯрии ғайричашмдошт дубора эҳё мешавад.
Сешанбе, 2 ноябр филми «Felicitа» («Хушбахтӣ»)- и Бруно Мерле ба намоиш гузошта мешавад. Филм дар бораи як оилаи ғайримуқаррарист. Ҳамсарон бо Томми, як духтари навраси саркаш зиндагӣ мекунанд…
Дар намоишҳои минбаъда фестивал шуморо ба тамошои дигар филмҳои бадеӣ, чун «Les Contes de la Nuit» («Афсонаҳои шабона») филми тасвирии шоиронае аз устоди аниматсия Мишел Осело, «A la recherche des femmes chefs» («Дар ҷустуҷӯи занони ошпаз»), филми «Jusquа la garde» («Ҳимояи фарзанд»), драмаи муосире, ки бо асрори муносибатҳои як оилаи фаронсавӣ ошно месозад, даъват менамояд.
Бояд гуфт, ки имсол пахши филмҳо бори аввал дар Донишгоҳи давлатии Хуҷанд низ сурат мегирад.
АКС: Маркази фарҳангии «Бохтар»
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
