«ФАРЗАНДИ ТОҶИКИСТОНАМ». Латофат Кенҷаева ва Гулчеҳра Маҳмадиева ғолибони асосии ин озмун гардиданд
ДУШАНБЕ, 14.10.2021. /АМИТ «Ховар»/. Имрӯз дар Донишгоҳи давлатии тиҷорати Тоҷикистон маросими ҷамъбасти Озмуни ҷумҳуриявии маҷаллаи «Бонувони Тоҷикистон» бо номи «Фарзанди Тоҷикистонам» баргузор гардид, ки дар он Латофат Кенҷаева дар бахши назм ва Гулчеҳра Маҳмадиева дар бахши наср ғолиб гардиданд.
Ҳамоиши мазкур бо иштироки доираи васеи рӯзноманигорон, аҳли қаламу эҷод ва иштирокчиёни фаъоли озмун баргузор гардид. Озмуни ҷумҳуриявии «Фарзанди Тоҷикистонам» бо мақсади бозтоб додани рӯзгори бонувони тоҷик ва мавқеи онҳо дар ҷомеаи имрӯза роҳандозӣ гардида, давоми қариб як сол идома ёфт, ва теъдоди зиёди қаламкашон дар он ширкат доштанд.
Сармуҳаррири маҷаллаи «Бонувони Тоҷикистон» Шоҳона Одиназода иброз дошт, ки воқеан ҳам, қаламкашоне, ки матлабҳои ҷолибу пурмуҳтаворо ба унвони маҷалла ирсол доштанд, чун ғаввосони дарёи маонӣ аз умқи дил нигоштаҳои хешро дар васфи модарон, бонувони муваффақу нафъовари ҷомеа ҳам дар шакли наср ва ҳам назм рӯи авроқ рехтанд. «Барои заҳматҳоятон сипосгузорам, зеро заҳматҳои шабонарӯзии зан – модари тоҷик сазовори ҳама гуна арҷгузориву эҳтиром аст»- илова намуд Шоҳона Одиназода.
Дар бахши наср ҷойи дуввум насиби Диловари Мирзо, Лутфуллои Азиз ва дар бахши назм ҷойи дуввум насиби Бузургмеҳри Баҳодур, Абдулқодири Раҳим ва Сафар Амирхон гардид.
Иштирокчиёни дигари озмун Ато Ҳамдам, Мухтор Абдулло ва Раҳматуллои Раҳмон дар бахши наср ва Субҳон Ҷалилов, Дилафрӯз Олимова дар бахши назм зинаи сеюмро касб карданд.
Ғолибони озмун бо мукофотҳо ва иштирокчиёни дигари озмуни маҷаллаи «Бонувони Тоҷикистон» бо сипосномаҳо қадрдонӣ шуданд.
Дар охир барномаи фарҳангӣ бо иштироки овозхонҳои шинохта манзури ҳозирин гардонида шуд.
АКСҲО аз маҷаллаи «Бонувони Тоҷикистон»
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
